Shivsabari

Ggp5

Ggp4

Lnp2

Lnp5

Lnp-8

Lnp3

Ggp6

Lnp1

Lnp9

Ggp1

Ggp2

Ggp3

दाङ । लुम्बिनी प्रदेशका मुख्यमन्त्री चेतनारायण आचार्यले प्रदेश सरकारले गरेका कामहरुलाई मिडियाको माध्यमबाट मुल्यांकन गर्न आग्रह गरेका छन् ।

बागेश्वरी अशल शासन क्लव(बास)का प्रतिनिधि सहित पत्रकारहरुसंग भएको भेटमा मुख्यमन्त्री आचार्यले प्रदेश सरकारले गरेका कामलाई नागरिक माझ पुर्‍याउन मिडियाको माध्यमबाट मुल्यांकन गर्नुपर्ने बताएका हुन् । ‘प्रदेश सरकारले काम गरेको छ । तर, गरेका कामहरुलाई समेत बाहिर ल्याउन नसक्दा नकारात्मक धारणाको विकास भएको देखिन्छ ।

त्यस्तै प्रदेश सरकारले जनसरोकारको पक्षमा, सुशासन र भ्रष्टाचार निवाकरणकालागी गरेका कामहरुलाई प्राथमिकता दिन जरुरी छ’मुख्यमन्त्री आचार्यले भने ,‘भ्रष्टाचार बिरुद्धको पाँच बर्षे रणनीति पास गरेर लागु समेत गरिसकेका छौं । यि क्षेत्रलाई पनि मिडियाबाट अघि बढाउन जरुरी छ ।’
नागरिकमा बढ्दै गएको निरासालाई आशामा बदल्नेगरी मिडिया क्षेत्र, सामाजिक संघ संस्थाहरुले पहल लिनुपर्ने भनाई उनको छ ।

बास संस्थाले लुम्बिनी प्रदेश सरकारका अशल अभ्यास र उपलब्धिमा आधारित प्रकाशन, प्रशारणको काम गर्न परियोजना समेत सञ्चालन गरेको बारेमा जानकारी गराईको थियो । यस्तै प्रमुख सचिव महादेव पन्थलाई पनि कार्यक्रमबारे जानकारी गराइएको छ । जनस्तरमा प्रदेश सरकारको कार्यक्रम पुग्ने तर, त्यसबारेमा नागरिक बेखबर हुने अवस्थाको अन्त्य गर्न मिडिया क्षेत्रको भूमिका महत्वपूर्ण हुने प्रमुख सचिव पन्थले बताए ।