डडेल्धुरा । डडेल्धुरामा एक किशोरी हत्यामा संलग्न आरोपि भण्डारी पक्राउ परेका छन् ।

जिल्ला प्रहरी कार्यालय डडेल्धुराले अमरगढी नगरपालिका–७ पोखरा बजारकी १४ वर्षीया आरती भट्टराईको हत्यामा संलग्न आरोपितलाई पक्राउ गरेर सार्वजनिक गरेको हो ।

त्यस्तै प्रहरीले आइतबार पत्रकार सम्मेलनको आयोजना गर्दै आरतीको हत्या गरेको आरोपमा पोखरा बजारमै पुस्तक पसल सञ्चालन गर्दै आएका ५८ वर्षीय टेकबहादुर भण्डारीलाई सार्वजनिक गरेको छ । आरतीको शुक्रवार प्लास्टिकमा बेरिएको अवस्थामा शव फेला परेको थियो ।

यस्तै असोज २५ गते दिउँसो ४ बजे घरबाट मिल गएकी आरती घर नआएपछि परिवारले खोजीकार्य गरेका थिए । त्यसपछि (शुक्रबार) प्लास्टिकमा बेरिएको अवस्थामा शव फेला परेपछि उक्त शव आरतीको भएको खुलेको थियो । घटनास्थलबाट करिब २० मिटर पूर्वतर्फ नालामा फालेको अवस्थामा टेकबहादुर भण्डारीको म १ प १४५४ नम्बरको मोटरसाइकल फेला पारेपछि प्रहरीले उनलाई नियन्त्रणमा लिएको थियो ।

त्यस्तै प्रहरीले गरेको प्रारम्भिक अनुसन्धानका क्रममा उनले आरतिको हत्या गरेको स्वीकार गरिसकेको प्रहरीले बताएको छ ।