लुम्बिनीको मुख्यमन्त्रीमा चेतनारायण आचार्य नियुक्त

Sidha Patra सोमबार, साउन ०७, २०८१

दाङ । लुम्बिनी प्रदेशको मुख्यमन्त्रीमा नेकपा एमाले पार्टी संसदीय दलका उपनेता चेतनारायण आचार्य नियुक्त भएका छन् ।

आचार्यलाई प्रदेश प्रमुख अमिक शेरचनले संविधानको धारा १६८ (२) बमोजिम सोमबार मुख्यमन्त्रीमा नियुक्त गरेका हुन् ।

त्यस्तै आचार्यले नेपाली कांग्रेसको समर्थनमा आजै ५६ सांसदको हस्ताक्षर सहित मुख्यमन्त्रीमा दाबी पेश गरेका थिए । आचार्यलाई एमालेका २९ र कांग्रेसका २७ गरी ५६ सांसदको समर्थन रहेको छ ।