mmsb

Jmg

mbd

nakb

Rgs

Rms

tvs

apb

दाङ । देउखुरीको लमही अन्तर्राष्ट्रिय क्रिकेट खेलमैदानमा जारी प्रधानमन्त्री कप राष्ट्रिय महिला क्रिकेट प्रतियोगितामा समूह ‘ए’बाट सेमिफाइनल पुग्ने टोलीको आइतबार भएको खेलमा टुंगो लागेको छ ।

आज भएको दोस्रो खेलमा एपीएफले प्रदेश २ लाई ८ विकेटले पराजित गरेसँगै एक खेल अगावै एपीएफ र लुम्बिनी प्रदेश प्रतियोगिताको सेमिफाइनलमा पुगेका हुन् भने लगातार दुई-दुई खेलमा पराजित हुन पुगेका कर्णाली र प्रदेश २ प्रतियोगिताबाट बाहिरिएका छन् । प्रतियोगितामा लगातार दोस्रो जित हासिल गर्ने क्रममा एपीएफले प्रदेश २ ले प्रस्तुत गरेको ७३ रनको विजयी चुनौतीलाई १३.१ ओभरमा २ विकेट गुमाएर पूरा गर्‍यो भने एपिएफकी ओपनर ज्योती पाण्डेले ४० बलमा ४ चौकासहित सर्वाधिक ३० रनको योगदान दिइन् भने सरिता मगर ६ र इन्दु बर्मा १ रनमा अविजित रहिन् । त्यसअघि कप्तान सीता राना मगर ३० बल खेल्दै १ चौकासहित १८ रनमा आउट भएका थिए ।

बलिङतर्फ प्रदेश २ की कविता गौतम र सरस्वती कुमारी चौधरीले १-१ विकेट लिइन् भने त्यस अघि क्रिकेट मैदानमा टस जितेर पहिले ब्याटिङ गरेको प्रदेश २ ले निर्धारित २० ओभरमा ८ विकेट गुमाएर ७२ रन बनाएको थियो । त्यस्तै टोलीका लागि शोभा आलेले १३ रन बनाउँदा सन्तोषी चौधरीले ९ रन र विमला मगरले ६ रन बनाएकी थिइन् ।

बलिङतर्फ एपीएफकी कप्तान सीता राना मगरले ४ ओभरमा १४ रन खर्चेर २ विकेट लिइन् भने रेखा रावल, करुणा भण्डारी, ईश्वरी बिष्ट र राजमती ऐरीले १-१ विकेट लिएका थिए । अब प्रतियोगिता अन्तर्गत सोमबार पहिलो खेलमा प्रतियोगिताबाट बाहिरी सकेका कर्णाली र प्रदेश २ कोबीच प्रतिस्पर्धा हुनेछ भने दोस्रो खेलमा एपीएफ र लुम्बिनीए सामना गर्नेछ ।