बर्दिया । बर्दियाको एक सामुदायिक वन भित्रमा बाघको आक्रमणबाट बिहीबार १ महिलाको मृत्यु भएको छ ।
मृत्यु हुनेमा बाँकेको बैजनाथ गाउँपालिका वडा नम्बर ८ हसनापुरकी ३५ वर्षीया मनिषा रोकाय रहेकी छिन् । बाँसगढी नगरपालिका–४ जनचेतना सामुदायिक वन नजिक बाघको आक्रमणबाट रोकायको मृत्यु भएको जिल्ला प्रहरी कार्यालय बर्दियाका प्रहरी नायव उपरीक्षक तुल्सीराम अर्यालले जानकारी दिए ।
त्यस्तै मृतक रोकाय आफ्नी दिदी ४० वर्षीया कैलाशपति थारुसँगै बाँसगढी नगरपालिका–४ बठुवा जाने क्रममा बाघको आक्रमणमा परेकी हुन् ।
उनकी दिदी कैलाशपति भने सकुशल रहेको प्रहरीले जनाएको छ ।
डिभिजन वन कार्यालय बर्दियाका प्रमुख प्रविण विडारीले घटनाबारे अनुसन्धान भइरहेको बताएका छन् ।