दाङ । देउखुरीको लमहीमा करेन्ट लागेर एक जनाको मृत्यु भएको छ । बिहिबार बेलुका साढे ९ बजेतिर लमही नगरपालिका वडा नम्बर २ श्रीगाँउ निवासी ४५ वर्षिय दिल बहादुर चौधरीलाई करेन्ट लाग्दा मृत्यु भएको जिल्ला प्रहरी कार्यालय दाङका प्रहरी नायब उपरीक्षक जनक मल्लले जानकारी दिए ।
त्यस्तै चौधरीलाई बाटोमा हिड्ने क्रममा विद्युतको लत्रेको तारले करेन्ट लाग्दा मृत्यु भएको हो । उनको शवलाई पोष्टमार्टमका लागि राप्ती स्वास्थ्य विज्ञान प्रतिष्ठान घोराहीमा राखिएको छ ।