दाङ । घोराहीमा रहेको एनएमवि बैंक र विआर डेन्टल हस्पिटल बिच विशेष छुटको सम्झौता भएको छ ।
एनएमवि बैंकका ग्राहकहरुले विआर डेन्टलबाट सेवा लिदा भिजा कार्ड अथवा मोबाइल बैंकिङ लगायत उक्त बैंकसंग सम्बन्धित प्रबिधिबाट भुक्तानि गरेमा ५ देखि १० प्रतिशत छुटको ब्यबस्था गरिएको एनएमवि बैंक घोराही शाखा प्रबन्धक बालकृष्ण पराजुलीले जानकारी दिनुभयो ।
त्यस्तै यो सेवा लिनका लागि एनएमवि बैंकका आधिकारीक ग्राहक हुनुपर्ने छ । साथै देशभरीका जुनशुकै शाखाका ग्राहकहरुले पनि यो सुविधा लिन सकिने घोराही शाखाकी विजिनेस डेभ्लोपमेन्ट म्यानेजर मंञ्जिला आत्रेयले जानकारी दिनुभयो । विआर डेन्टलबाट अधिकांस सेवा लिदा यो छुट पाउने ब्यबस्था गरिएको छ । एनएमबि बैंक घोराही शाखा प्रबन्धक बाल कृष्ण लामिछाने र बिआर डेन्टलका संचालक डाक्टर बिपि भुषाल बिच सम्झौता भएको हो ।