दाङ । देउखुरीको गढवा गाउँपालिका वडा नम्बर ३ गोबरडियाका ४० वर्षीय कालीचरण चौधरीको मोटरसाइकल दुर्घटनामा परी मृत्यु भएको छ ।रा ३ पा ८०१४ नम्वरको मोटरसाइकल रिहार अमेलिया सडकखण्डमा अनियन्त्रित भई दुर्घटना भएको मृतकका आफन्त मिरा चौधरीले जानकारी दिनु भयो । त्यस्तै मोटरसाइकलमा सवार गढवा – ३ गोबरडियाकै अन्दाजी ३९ बर्षिय मुखिया चौधरी घाइते भएका छन् ।दुर्घटनामा परी कालीचरण चौधरी मृत्यु भैसकेको छ भने मुखिया चौधरीलाई सामान्य चोट लागेको चौधरीले जानकारी दिनु भयो । अहिले मृक चौधरीको शबलाई लमही अस्पतालमा राखिएको छ भने घाईते चौधरीको उपचार भैरहेको छ । गढवाबाट दाङको तुलसीपुर जाने क्रममा मोटरसाइकल दुर्घटना भएको पारिवारिक स्रोतले जानकारी दिएको छ।