दाङ । राष्ट्रिय स्वतन्त्र पार्टीले प्रगन्ना कुलाे खन्ने नाममा अनिमितता सार्वजनिक भएपछी सत्य तथ्य छानबिनकाे माग राख्दै राप्ती गाउँपालिकाकाे मुल गेटमा धर्ना दिएको छ ।
राप्ती गाउँपालिकाकाे मुल गेटमा मंगलबार बिहान ९:३० देखि१०:३० बजेसम्म एक घण्टा भ्रष्टाचारीलाई कार्वाहीकाे माग गर्दै दबाब मुलक कार्यक्रम गरिएको हो ।
राप्ती गाउँपालिकाका संयाेजक दाेर्ण जिसीकाे अध्यक्षतामा भएकाे दबाब मुलक कार्यक्रममा भ्रष्टाचार गर्न पाईदैन,दाङमा भष्ट्राचारीलाई निषेध, नदीजन्य पदार्थको चाेरी बन्द गर जस्ता प्लेकार्ड बोकेर कार्यक्रममा बिराेध गरेका थिए ।
गत महिना प्रगन्ना कुलाे खन्ने नाममा अनिमितता सामाजिक सञ्जालबाट सार्वजनिक भएपछि रास्वपाले सत्य तथ्यकाे माग राखी बिराेध गर्दै आइरएकाे छ ।