Tsb

Gsb

Usb

Hl1

Ssb

Nps

Rgu

ptl

दाङ । लमहीमा जारी जिल्ला स्तरिय मेयरकप क्रिकेट प्रतियोगितामा शनिबार भएको दोस्रो खेलमा गोरखा स्कुल बिजयी भएको छ ।

मध्यनगर युवा क्लबलाई ७ विकेटले हराउँदै गोरखा स्कुल बिजयी बनेको हो । टस हारेर ब्याटिङको निम्तो पाएको मध्यनगरले १७ ओभर २ बलमा सबै विकेट गुमाएर ९४ रन बनाउन सक्यो । मध्यनगरलाई सस्तैमा समेट्न गोर्खाका शुभम खनालले ४ ओभरमा २२ रन खर्चेर ४ विकेट हात पारे ।

त्यस्तै निर्मल गुरुङ र विशाल बिक्रम केसीले समान २-२ विकेट लिए भने राज कुमार कुमाल र जीवन खनालले १-१ विकेट हात पारे । मध्यनगरको योगफल तयार गर्न सन्जय कुमालले सर्बाधिक ३ चौकाको मद्धतले २२ रन बनाए । सबिन महरले १३ रन र शिशिर केसीले ११ रन बाहेक अन्यले दोहोरो अंक समेत जोड्न सकेनन् ।

यस्तै ९५ रनको विजय लक्ष्य पछ्याउँदै जवाफी ब्याटिङमा उत्रिएको गोरखाले १४ ओभर ४ बलमा ३ विकेट गुमाएर लक्ष्य भेट्टायो । गोरखालाई जित दिलाउन प्रज्वल थापाले ४५ बलमा १० चौका प्रहार गर्दै ६० रन बनाए । अँकित विएमले १४ रन जोड्दै अबिजित रहे भने प्रमेश केसिले ११ रन जोडे ।

वलिङमा मध्यनगरका शिशिर केसीले २ र सुरज जिएमले १ विकेट हात पारे । प्रतियोगितामा शुभम खनाल म्यान अफ दि म्याच घोषित भए । प्रतियोगितामा जिल्लाका ११ टिमले सहभागी जनाएका छन । लिग सिस्टममा खेल भईरहेको आयोजक ब्रेन स्ट्रोमिङ इभेन्ट्सका अध्यक्ष सरोज बस्नेतले जानकारी दिए ।