दाङ । दाङका पत्रकार दशरथ घिमिरे राष्ट्रिय स्तरकाे पत्रकारिता पुरस्कारले सम्मानित हुनु भएको छ । राष्ट्रपतिकाे कार्यालय शितलनिवासमा आयाेजना गरिएको बिशेष कार्यक्रममा प्रेस काउन्सिल नेपालले युवा पत्रकारीता पुरस्कारले सम्मानित गरेकाे हाे ।

राष्ट्रपति विद्या भण्डारी र सञ्चार तथा सुचना प्रविधि मन्त्री ज्ञानेन्द्रबहादुर कार्कीले घिमिरेलाई सम्मान पत्र सहित नगद प्रदान गरेर पुरस्कृत गर्नु भएको हाे । नयाँ युगबाेध राष्ट्रिय दैनिक,नेपाल टेलिभिजन, देश सञ्चार अनलाइन लगायतका सञ्चार माध्यममा कार्यरत घिमिरेले समसामयिक विषयमा कलम चलाउदै आउनु भएको छ ।त्यस्तै घिमिरे सहित देशभरका बिशिस्ट याेग्दान गरेका पत्रकारलाई पुरस्कृत गरिएको हाे । प्रेस काउन्सिल नेपालकाे ५३ औं बार्षिकत्सवमा पत्रकारलाई पुरस्कृत तथा सम्मान गरिएको हाे ।