NKS

RppdA

SDBS

Rgup

Vim

jmb

nkpm

Unku

Smbk

sbsg

Rspls

Jmbg

Jmbp

SAbk

Ggp1

Jmb

Ggp4

Lnp5

Lnp1

Lnp-8

Lkpuss

Ggp6

Ggp2

Lnp9

Lnp2

Ggp5

Ggp3

Lnp3

दाङ । समुदायमा आधारीत दक्षिण देउखुरी अधिकार मञ्चमा आवद्ध गढवा स्थित ११ समूहहरुको संयुक्त संस्था दियालो मूल समितिको नवौं बार्षिक साधारणसभा बुधवार गढवामा सम्पन्न भएको छ ।

समितिका अध्यक्ष चित्रबहादुर खड्काको अध्यक्षता र गढवा गाउँपालिकाका अध्यक्ष सहजराम यादवको प्रमुख आतिथ्यमा कार्यक्रम भएको हो । कार्यक्रममा प्रमुख अतिथी यादवले दक्षिण देउखुरी अधिकार मञ्चमा आवद्ध समूह सदस्यकालागि गढवा गाउँपालिकाबाट जिवीकोपार्जन सुधारको क्षेत्रमा केहि सहयोग गर्दे आएको र सो सहयोगबाट केहि किसानहरु स्वरोजगार समेत बन्न सफल भएकोमा खुसी प्रकट गर्नुभयो ।दक्षिण देउखुरीको बिकासमा यस समितिले बिगत खेखि नै स्थानीय सरकारसंग समन्वय सहकार्य गर्दै भूमिका खेल्दै आएको उहाँले बताउनुभयो । नेपाली काँग्रेस गढवाका सभापति किरण पौडेल,माओवादी केन्द्रका गढवा इन्चार्ज यमनारायण पोखे्रल,राष्ट्रिय जनमोर्चाका कपिलदेव खनाल,एकिकृत समाजवादी पार्टीका गोबिन्द रोका,दक्षिण देउखुरी अधिकार मञ्चका अध्यक्ष देवराज कुँवर,समूह प्रतिनिधीहरु प्रभा यादव,सरिता बोहोरा,सुमित्रा चौधरी,भरत घर्ति र चञ्चला चौधरी लगायतले साधारणसभाको सफलताको शुभकामना दिनुभएको थियो ।

दक्षिण देउखुरीको भूगोल गढवा र राजपुर गाउँपालिकामा कुल ५ वटा मूल समितिहरु संचालनमा आएको र मूल समितिहरु भित्र दश बढी समूहहरु संचालनमा रहेको कार्यक्रममा जानकारी गराइएको थियो । जसमध्ये दियालो मूल समिति साबिक गढवा गाबिस भित्र ९ वटा समूहहरु मिलेर बनेको अधिकार मञ्चका अध्यक्ष देवराज कुँवरले बताउनु भयो । स्थानीय सरकार र दक्षिण देउखुरी अधिकार मञ्चको समन्वय सहकार्यमा दियालो मुल समिति अन्तर्गत ९ वटा समूहहरु संचालनमा रहेको र समूह सदस्यहरुबिच बचत संकलन,कर्जा लगानी गरि कृषि,पशुपालन तथा अन्य पेशा ब्यवसाय गरेर सदस्यहरुको जिवीकोपार्जनमा सुधार भएको कार्यक्रममा जानकारी गराइएको हो ।

कार्यक्रममा संस्थाका कविता सुवेदीले संस्थागत प्रतिवेदन,आर्थिक प्रतिवेदन र आगामी कार्यक्रम सहितको खाका तथा समस्या र चुनौतिहरुलाई बुँदागत प्रस्तुती राख्नु भएको थियो । गिता पुलामीको स्वागत मन्तब्यबाट सुरु भएको साधारणसभाको संचालन मूल मितिका उपाध्यक्ष फागुराम चौधरीले गर्नुभएको थियो ।