mmsb

Jmg

Rms

mbd

Rgs

nakb

tvs

apb

दाङ । देउखुरीमा गएराती दुर्घटना हुँदा एक बालिकाको मृत्यु भएको छ ।

इलाका प्रहरी कार्यालय गढवाले दिएको जानकारी अनुशार मृत्यु हुनेमा राप्ती गाउँपालिका वडा नम्बर ७ आनन्दपुर निवासी सिमसार चौधरीका १० वर्षिया छोरी सन्ध्या चौधरी रहेकी छन ।

मृतक चौधरी र अन्य दुई जना मंगलवार राती साढे दश बजेको समयमा रा ३ प ३४६१ नम्बरको मोटरसाइकलमा सवार रहेका थिए । गोबरडिहा शिवरात्रिको मेला हेर्न जान लागेका उनिहरु सवार रहेको मोटरसाइकल गढवा गाउँपालिका वडा नम्बर २ महदेवा पुल नजिक बिपरित दिशाबाट आइरहेको लु २ च ७६८२ नम्बरको कारसंग ठोक्किएको हो ।

कारको ठक्करबाट गम्भीर घाइते भएकी सन्ध्याको लमहीमा उपचारका क्रममा गएराती नै मृत्यु भएको इलाका प्रहरी कार्यालय गढवाले जानकारी दिएको छ । राप्ती गाउँपालिका ४ सगरापुरका मोटरसाइकल चालक अन्दाजी ४४/४५ वर्षिय जयराम चौधरी, सोही ठाउँ निवासी बेद कुमारी चौधरी घाइते भएका छन । उनिहरुको लमही स्थित फ्लोरेन्स अस्पतालमा सामान्य उपचार पछि कोहलपुर रिफर गरिएको छ । त्यस्तै ठक्कर दिने कार चालक राप्ती गाउँपालिका ४ का संदिप चौधरीलाई प्रहरीले नियन्त्रणमा लिएको छ ।