Jmg

Rgs

Rms

mmsb

mbd

nakb

tvs

apb

सल्यान । सल्यानमा अवैध काठ सहित दुईवटा ट्याक्टरलाई प्रहरीले नियन्त्रणमा लिएको छ।

शुक्रबार बेलुका करिब १० बजेतिर छत्रेश्वरी गाउँपालिका -५ लेकपाेखराबाट लान्ती तिर आइरहेका दुईवटा ट्याक्टरलाई शारदा नगरपालिका वडा नं. -१३ संघार स्थितमा प्रहरी चौकी भोटेचौरबाट प्रहरी सहायक निरीक्षक दुर्गा गुरुङको कमान्डमा खटिएको गस्ति प्रहरी टोलीले शंका लागि रोकी चेकजाँच गर्दा रा १ त २४३८ र रा १ त २०२२ नम्बरको ट्याक्टरमा माथिबाट मसिनो दाउराले छोपी ल्याएको (४० वटा गाेलिया) ९५ क्यु.फिट सल्लाकाे काठ भेटिएपछि नियन्त्रणमा लिएकाे जिल्ला प्रहरी कार्यालय सल्यानले जनाएकाे छ।

प्रहरीले नियन्त्रणमा लिएको काठ सहितका ट्याक्टर र चालक शारदा नगरपालिका -१३ का २३ वर्षिय माेतिराम पुन र साेहि ठाउँका २२ वर्षिय केशर पुनलाई पनि नियन्त्रणमा लिएको जिल्ला प्रहरी कार्यालय सल्यानका प्रवक्ता प्रहरी निरीक्षक अर्जुन पौडेलले बताए । चेकजाँचका क्रममा चालककाे साथमा कुनै पनि कागज प्रमाण नभएपछि कागज प्रमाण लिनकाे लागि ट्याक्टर प्रहरी चौकी भाेटेचौरमा राखेर दुवै चालकलाई छाेडिए पनि कागज प्रमाण ल्याउन नसके पछि शनिबार दिउँसो पुनः दुवै चालकलाई नियन्त्रणमा लिई ट्याक्टर काठ सहित आवश्यक कारवाहीको लागि डिभिजन वन कार्यालय सल्यानमा पठाइकाे छ।

त्यस्तै थप अनुसन्धानकाे लागि ईलाका प्रहरी कार्यालय लुहामबाट प्रहरी निरीक्षक श्यामप्रकाश यादवकाे कमान्डमा ५ जनाकाे प्रहरी टाेली खटाइएको र थप अनुसन्धान भइरहेको प्रवक्ता प्रहरी निरीक्षक पौडेलले जानकारी दिए ।सहारा डटकम