दाङ । दाङको देउखुरीमा स्कार्पियो दुर्घटना हुँदा ६ जना यात्रु घाइते भएका थिए । पुर्व पश्चिम राजमार्ग अन्तरगत लमही- भालुवाङ सडक खण्डको लमही नगरपालिका वडा नम्बर ३ र ४ को सिमानामा पर्ने बगैसोता खोलाको पुलमा ठोक्किएर दुर्घटना ६ जना यात्रु घाइते भएका हुन् ।

स्कार्पियो दुर्घटनामा परि गम्भीर घाइते भएकी लमही नगरपालिका वडा नम्बर ५ रातो डाँडा निवासी २० वर्षिया सृजना सुनारको कोहलपुर मेडिकल कलेजमा उपचारको क्रममा आज बिहान निधन भएको हो ।

त्यस्तै उनिहरु गएको बिहीबार विहान २ बजेको समयमा पुर्वबाट पश्चिम जाँदै गरेको लु ३ च ८८० नम्बरको स्कार्पियो पुलमा ठोक्किदा दुर्घटना भएको थियो । दुर्घटना हुँदा लमही नगरपालिका वडा नम्बर २ बरुवा गाउँका अन्दाजी २८ का प्रदीप चौधरी,वडा नम्बर ५ कोलही बस्ने अन्दाजी २५/३० वर्षिय बिनोद चौधरी, वडा नम्बर ५ रातो डाँडा बस्ने वर्ष १८ कि आकृती पाण्डे, सोही ठाउँ बस्ने वर्ष २० कि सृजना सुनार, लमही बजार निवासी वर्ष ३७ का भानु गुप्ता, वडा नम्बर ६ देउपुर बस्ने वर्ष १८ कि बिनिता लुहार घाइते भएको जिल्ला प्रहरी कार्यालय दाङले जानकारी दिएको छ ।