nakb

Jmg

Rgs

Rms

mmsb

mbd

tvs

apb

दाङ । धारिलो हतियार र लाठी हानेर दाङमा एक युवकको हत्या भएको छ । युवाहरुको एक समूहले लाठी र धारिलो हतियारले हान्दा तुलसीपुर उपमहानगरपालिका वडा नम्बर ४ नयाँ बस्तिका २१ वर्षीय टोपबहादुर पुन मगरको मृत्यु भएको हो ।यस्तै कुटपिटबाट सल्यान जिल्लाको कपुरकोट गाउँपालिका वडा नम्बर ४ का १७ वर्षीय शंकर डाँगी गम्भीर घाइते भएका छन् ।

दाङका प्रहरी प्रमुख एसपी सुरेश काफ्लेका अनुसार कुटपिटबाट गम्भीर घाइते भएका पुन मगरलाई उपचारका लागि आज बिहान तीन बजेतिर राप्ती प्रादेशिक अस्पताल तुलसीपुर पुर्‍याए लगत्तै चिकित्सकले मृत घोषणा गरेको थियो । यस्तै अर्का घाइते डाँगीलाई थप उपचारका लागि भारतको लखनउ लगिएको एसपी काफ्लेले बताउनु भयो ।

त्यस्तै पुन र डाँगी माथि पुरानो रिसिइबीका कारण तुलसीपुर उपमहानगरपालिका वडा नम्बर ४ का २० वर्षीय खिमबहादुर मगर, १८ वर्षीय रेशम थापा र २१ वर्षीय विनय मगरले लाठी र धारिलो हतियार प्रहार गरेको प्रारम्भिक अनुसन्धानबाट खुल्न आएको एसपी काफ्लेले बताउनु भयो । यस्तै आरोपित सबै अहिले फरार रहेको र उनीहरूको खोजी कार्य तिब्र भइरहको एसपी काफ्लेले जानकारी दिनु भयो ।