Ssb

Tsb

Gsb

Usb

Hl1

Nps

Rgu

ptl

दाङ । दाङमा प्रहरीले आठ जना जुवाडेलाई प्रक्राउ गरेको छ । जिल्लाको तुलसीपुर उपमहानगरपालिका वडा नम्बर ६ रजौरा स्थित विष्णु आचार्यको खाली घरमा जुवा खेलिरहेको अवस्थामा उनिहरुलाई प्रक्राउ गरेको हो ।

प्रक्राउ पर्नेमा तुलसीपुर ११ का रोहित न्यौपाने, वडा नम्बर ६ का चित्र बहादुर बस्नेत, सोहि वडाका मिन केतन गिरी, सुरेन्द्र हमाल, वडा नम्बर १२ का मान बहादुर रावंत, वडा नम्बर ६ का दिपेन्द्र गिरी, सोहि वडाका बिबेक मल्ल र दिगम्बर गिरी रहेका छन् ।

उनिहरुको साथबाट एक लाख, ९८ हजार दुई सय रुपैँया नगद, जुवा खेल्न प्रयोग भएको १६ थान कौडा सहित प्रक्राउ गरिएको जिल्ला प्रहरी कार्यालय दाङका डिएसपी मुकुन्द प्रसाद रिजालले जानकारी दिनुभएको छ ।

प्रक्राउ परेका विरुद्ध मुलुकी अपराध संहिता २०७४ को परिच्छेद ५ को दफा १२५ को उपदफा ६ बमोजिम पहिलो पटकलाई ३ महिना सम्म कैद वा तिस हजार जरिवाना र दोस्रो पटकलाई १ बर्ष सम्म कैद र पँचास हजार रुपँैया सम्म जरिवाना हुने कानुनी व्यवस्था रहेको उहाँको भनाई रहेको छ ।