दाङ । लामो समयदेखि दुवै मृगौला र दुवै आँखा गुमाएका राजपुर-२ बेला निवासी सुरेन्द्र पुन मगरलाई आर्थिक सहयोग प्राप्त भएको छ ।

सुरुमा दुवै आँखा गुमाएका सुरेन्द्रले आँखाको उपचारमा लाखौं खर्च गरे । उनले आँखाको उपचार गराउदा गराउदै डाक्टरले फेरि दुवै मृगौला पनि फेल भएको बताए । त्यसपछि उनि आँखा भन्दापनि आफ्नो जीवन बचाउन डायलाइसिस तिर लागे ।

अहिले उनले लमहीको रातो डाँडामा रहेको डायलाइसिस सेन्टरमा डायलाइसिस गराइरहेका छन् । हप्तामा तीनपटक डायलाइसिस गराउदा धेरै खर्च आउँछ । सरकारबाट प्राप्त हुने केहि रकमले एकछिउ नपुग्ने उनका परिवार बताउँछन् ।

सोही समस्यालाई मध्यनजर गर्दै नेपाल मगर संघ राजपुर गाउँपालिकाकी सचिव प्रेमी सोमई घर्ती मगरले आर्थिक सहयोगका लागि सम्पूर्णलाई आह्वान गरिन् । त्यसपछि देश,विदेशबाट सबैजनाले रकम प्रदान गरेपछि उक्त रकम मंगलबार घरमै पुगेर घर्तीले ३२ हजार एक सय बाउन्न रुपैयाँ हस्तान्तरण गरेकी हुन् । उनले अझै सक्दो सहयोग गर्न सम्पूर्णमा आह्वान पनि गरेकी छन् ।

सुरेन्द्रले उपचार गराउदा गराउदै ५० औं लाख खर्च गरिसकेको पनि जानकारी दिए । यद्यपि यस अघि पनि समाजसेवी मान बहादुर बुढा मगरले झन्दै एक लाख रुपैयाँ संकलन गरेर सहयोग गरेका थिए । सहयोग गर्ने सहयोगी दाताहरुको नाम लिस्ट: