Gsb

Usb

Hl1

Ssb

Tsb

Nps

ptl

Rgu

हेटाैंडा । बागमती प्रदेशकाे राजधानी हेटाैंडामा जेन-जीहरुकाे प्रदर्शनले उग्ररुप लिएको छ।

जिल्ला प्रशासन कार्यालय मकवानपुरले अपरान्हदेखि आज राति १२ बजेसम्म कर्फ्यु जारी गरेपनि प्रदर्शनकारीहरू राेकिएका छैनन् । प्रदर्शनकारीले बागमती प्रदेशका मन्त्रालय, बागमती प्रदेशसभा सचिवालय भवन,जिल्लास्थित पार्टी कार्यालयदेखि नेताहरुकाे घरमा आगो लगाएका छन् ।

निरन्तर आगजनी भइरहँदा पनि सुरक्षा निकायहरू रक्षात्मक देखिएका छन् । मुख्यमन्त्री इन्द्रबहादुर बानियाँकाे घर ताेडफाेड गर्दा प्रहरीले हवाई फायर गरेकाे छ ।प्रदर्शनकारीहरूले हेटाैंडा उपमहानगरपालिका वडा नम्बर -२ स्थित भाैतिक पूर्वाधार विकास मन्त्रालय,खानेपानी, उर्जा,जलश्राेत तथा सिचाईं मन्त्रालय,श्रम,राेजगार तथा यातायात मन्त्रालय र कृषि तथा पशुपन्छी विकास मन्त्रालय रहेकाे भवनमा आगजनी गरेको छ ।

त्यस्तै अख्तियार दुरूपयाेग अनुसन्धान आयाेगकाे कार्यालय, बागमती प्रदेशसभा सचिवालय भवनमा प्रदर्शनकारीहरूले आगजनी गरेका छन् । हेटाैंडा उपमहानगरपालिका कार्यालयमा ताेडफाेड गरिएकाे छ भने नेपाली कांग्रेस, नेकपा एमाले र नेकपा माओवादी केन्द्रकाे पार्टी कार्यालयमा ताेडफाेड भएकाे छ ।

यस्तै प्रदर्शनकारीहरूले मुख्यमन्त्री ईन्द्रबहादुर बानियाँकाे हेटाैंडा-५ मा रहेकाे निवासमा ताेडफाेड र आगजनी समेत गरेका छन् ।