lms

दाङ । देउखुरी उद्योग बाणिज्य संघले विभिन्न उद्योग तथा व्यवसायी कर्मीसंग शुक्रबार छलफल एवम् अन्तरक्रिया कार्यक्रम गर्ने भएको छ ।

संघले सधै चाडबाड नजिकिँदै गर्दा उद्योग तथा ब्यबसायहरुमा अनुगमन गर्ने र अनुगमनका क्रममा गुणस्तरहिन सामानहरु फेला परेको खण्डमा जफत गरि विभिन्न किसिमका कारबाही गर्ने कार्यहरु गर्दै आएको उदाहरण थुप्रै भेटिन्छन् । तर अबभने ब्यबसायीलाई यस किसिमको समस्याबाट मुक्त बनाउन संघले छलफल तथा अन्तरक्रियाको आयोजना गर्ने भएको हो ।

वाणिज्य आपूर्ति तथा उपभोक्ता संरक्षण कार्यालय नेपालगंजको टोलीलाई लमही बोलाएर व्यवसायी कर्मीहरुसंग व्यापक छलफल चलाउने भएको देउखुरी उद्योग बाणिज्य संघका अध्यक्ष कमल जंग सिंह ठकुरीले जानकारी दिए । अध्यक्ष ठकुरीका अनुसार देउखुरी उद्योग बाणिज्य संघसंग आवद्ध साना तथा मझौला सम्पूर्ण व्यापारी,उद्योग,होटेल लगायत विभिन्न व्यवसायी कर्मीहरुसंग छलफल गर्ने कार्यक्रम तय भएको छ ।

कार्यक्रम यहीँ श्रावण ३० गते शुक्रबार भोलि दिउसो १:०० बजे होटल आश्रय प्रालि लमहीमा हुने भएको हुँदा सम्पूर्ण उद्योगी, व्यवसायीहरुलाई उपस्थितिकाे लागि देउखुरी उद्योग बाणिज्य संघ लमहीले अनुरोध समेत गरेको छ ।