२९ फाल्गुण २०८२, शुक्रबार
Lks
lnp
Rgp
Asb
Jns
Ggp
Ggp
Rgp
Pbu
Usb
Dus
Sgp
Rgp
Rgp
Dbs
ksb
Lnp
Sidha Patra मंगलबार, माघ ०८, २०८१
दाङ । नागरिक समाज दाङले वर्तमान अवस्थामा संसद बैठक नबसी अध्यादेश जारी गरिएको भन्दै सरकारको क्रियाकलापप्रति गम्भीर ध्यानाकर्षण भएको बताएको छ ।
सोमबार समाजका सचिव नारायणप्रसाद श्रेष्ठको अध्यक्षतामा बसेको बैठकले राजनीतिक प्रतिशोधका घटना बढिरहेकोमा चिन्ता व्यक्त गर्दै प्रतिशोधको राजनीति नगर्न दलहरुलाई आग्रह गरेको छ ।
त्यसैगरी सामाजिक सञ्जालको अत्यन्त दुरुपयोग भई भ्रामक सूचना प्रवाह हुँदा नागरिकमा भ्रम पैदा भएको, गालीगलौज, बेइज्जत मात्र होइन फेक आइडी बनाएर बदनाम गर्ने काम निन्दनीय भएको बैठकले ठहर गरेको छ ।
त्यस्तै मानवअधिकार हननका घटना बढिरहेका र सुशासनको प्रत्याभूति गर्न नसक्ने अवस्था सिर्जना भएको, दण्डहीनता मौलाउँदै गएको, अदालतभित्रै कानुन व्यवसायी असुरक्षित भएको निष्कर्ष निकाल्दै नागरिकलाई राज्यबाट दिने सेवा प्रवाहमा सुशासनको अनुभूति दिलाउन समाजले राज्यपक्षसँग माग गरेको छ ।
