Hl1

Ssb

Tsb

Usb

Gsb

Rgu

ptl

Nps

दाङ । देउखुरीको सोमबार आज बिहान ५ बजे बस दुर्घटना हुँदा दुई जनाको ज्यान गएको छ ।

त्यस्तै ज्यान जानेमा शिवराज नगरपालिका-३ का वर्ष ४२ कि तिर्थी थारु, सोही ठाउँ बस्ने वर्ष ६९ की फुलची थारु रहेको जिल्ला प्रहरी कार्यालय दाङका प्रहरी प्रवक्ता डिएसपी इश्वर थापाले जानकारी दिए ।

दुर्घटनामा गम्भीर घाइते भएका दुबैजनालाई लमही अस्पतालमा उपचारका क्रममा ज्यान गएको प्रहरीले बताएको छ । आज बिहान ५ बजेको समयमा लमही नगरपालिका वडा नम्बर ९ च्याउ खोला नजिकै उक्त बस दुर्घटना भएको हो । लु १ ज ४२९८ नम्बरको बस कपिलवस्तुबाट बर्दियाको धार्मिक कार्यक्रममा सहभागी हुनका लागि रिजर्भ गरेर जाँदै गर्दा सो बस दुर्घटना भएको प्रहरीले जनाएको छ ।

बसमा चालक र सहचालक सहित पन्ध्र जना सवार थिए । दुर्घटनामा १२ जना सामान्य घाइते भएका छन । उनिहरुको लमही अस्पतालमा उपचारपछि थप उपचारका लागि जिल्ला बाहिरका अस्पतालमा रिफर गरिएको छ ।

शिवराज नगरपालिका – ५ चनौटा निवासी वर्ष ३४ का बस मालिक / चालक अशोक कोइरालालाई प्रहरीले आफ्नो नियन्त्रणमा लिएको छ ।