Rgu

Gst

Rgs

Vor

Pvg

Wsp

Sbs

Hal

Pls

Mks

Syp

Rpp

Bml

दाङ । देउखुरीको राजपुरमा श्रीमानले रड प्रहार गरि श्रीमतीको हत्या गरेका छन् ।

राजपुर गाउँपालिका वडा नम्बर १ रसरी बस्ने वर्ष ३८ का गणेश घर्तीले आफ्नै श्रीमती वर्ष ३७ कि बसन्ती घर्ती माथि रड प्रहार गरि हत्या गरेको ईलाका प्रहरी कार्यालय गढवाले जानकारी दिएको छ ।

शनिबार राति ९ बजे खाना खाएर सुतिरहेका बेला श्रीमानले श्रीमतीको हत्या गरेको प्रहरीले बताएको छ । सधै मादकपदार्थ सेवन गरि झगडा गरिरहने भएकोले सो हत्या भएको हुन सक्ने प्रहरीले अनुमान गरेको छ ।

सोमबार बिहान ९:३० बजे सम्म उनीहरुको घरको ढोका नखुले पछि स्थानियले बेला प्रहरी चौकीमा खबर गरे पश्चात सो चौकीबाट प्रहरी वरिष्ठ नायव निरीक्षक उज्ज्वल शाहको कमाण्डमा २ जना र ईलाका प्रहरी कार्यालय गढवाबाट प्रहरी निरीक्षक कालिका कार्कीको कमाण्डमा ५ जनाको टोलीले उक्त घरको ढोका खोली हेर्दा श्रीमानले श्रीमतीको टाउकोमा फलामको रडले प्रहार गरि हत्या गरेको प्रारम्भिक अनुसन्धानबाट खुलेको प्रहरीले बताएको छ ।

त्यस्तै फलामको रड र निज गणेश घर्तीलाई सोही कोठाबाट नियन्त्रणमा लिई अहिले घटनास्थलमा मृतकको शवको जाँचको कार्य भइरहेको र थप अनुसन्धान कार्य समेत भईरहेको प्रहरीले बताएको छ ।