Vor

nsb

Ssm

Rgu

Gst

Sbs

Rsb

Wsp

Bbbpu

Ggd

Pvg

Sls

Hal

Rgs

Asm

Ksm

Bbu

Tsm

Rgu

Gsb

Pls

Jmb

Ptm

Mks

Abd

Rpp

Rmb

bbt

Bml

Syp

sab

Jmb

सुर्खेत । स्थानीयको विरोधपछि सुर्खेतमा विमानस्थल विस्तारका लागि आवश्यक जग्गा अधिग्रहण गर्ने प्रक्रिया रोकिएको छ । स्थानीयले विरोध जनाएपछि जग्गा अधिग्रहणका लागि थालिएको लगत संकलन कार्य तीन दिनमै रोकिएको नागरिक उड्डयन कार्यालय सुर्खेतले जनाएको छ । पुस ९ गतेदेखि लगत संकलनको काम थालिएको थियो ।

विमानस्थल विस्तार गर्न नहुने भन्दै स्थानीयले विरोध जनाएपछि लगत संकलनको काम तत्कालका लागि रोकिएको नागरिक उड्डयन कार्यालय सुर्खेतका प्रमुख उमेश पन्थीले जानकारी दिनु भयो । स्थानीयहरुले अवरोध गरेपछि लगत संकलन तत्कालका लागि रोकेका छौं,’ प्रमुख पन्थीले भन्नु भयो,‘हामी तत्काल स्थानीयहरुसँग छलफल गर्छौं, त्यसपछि मात्रै लगत संकलनको काम अगाडि बढ्छ ।’ विमानस्थलको दिगो विकासका लागि सरकारले विकल्प खोज्नुपर्ने स्थानीयको माग छ । विमानस्थल विस्तारको नाममा बस्तीलाई नै सखाब गर्न खोजेको उनीहरुको भनाइ छ ।

सहमतिको वातावरण तयार गर्नका लागि स्थानीयसँग वार्ता गर्ने तयारी भइरहेको पन्थीले जनाउनु भयो । स्थानियसँग वार्ताका लागि कर्णाली प्रदेश सरकार, अन्य सरोकार समिति,वीरेन्द्रनगर नगरपालिका र जिल्ला प्रशासनबीच समन्वय थालिएको छ । हाल एक हजार २ सय,५५ मिटर रहेको धावनमार्ग विस्तार गरेर एक हजार ५ सय,५५ मिटर बनाइने छ । ३० विघा जग्गा अधिग्रहण गरेर ३ सय मिटर धावनमार्ग बढाइने गरी काम थालिएको थियो । तर, स्थानीयले उक्त क्षेत्रमा विद्यालय, क्याम्पसलगायतका भौतिक संरचना भएकाले विस्तार नगर्न र अन्य ठाउँमा विकल्प खोज्न माग गरेका छन् ।

विमानस्थल विस्तार गर्दा उत्तरतर्फ ६ ०० मिटर, दक्षिणतर्फ ४०० मिटर, पूर्वतर्फ २५ मिटर र पश्चिमतर्फ २०० मिटर क्षेत्रफल अधिग्रहणमा पर्ने छ । यसैबीच प्रमुख जिल्ला अधिकारी हिरालाल रेग्मीले विमानस्थल विस्तारमा देखिएको समस्या छलफलबाट समाधान गरिने बताउनु भएको छ । हामी आज नै मुख्यमन्त्रीको संयोजकत्वमा सबै पक्षसँग बसेर छलफल गर्दैछौं,’ प्रजिअ रेग्मीले भन्नु भयो, विमानस्थल विस्तारमा देखिएका सबै समस्याको तत्काल समाधान गछौं उहाँले भन्नू भयो ।’