Pvg

Bbbpu

Gst

Rgu

Sls

Ggd

Ssm

Asm

Rgu

Vor

Bbu

Sbs

Rgs

Wsp

nsb

Rsb

Tsm

Hal

Ksm

Ptm

Syp

Jmb

Gsb

Rmb

Abd

Jmb

bbt

Rpp

sab

Bml

Mks

Pls

दाङ । कृषि उत्पादनलाई प्रोत्साहन गर्न तरकारीखेती गर्ने किसानहरुलाई गढवा गाउँपालिकाको साझेदारी परियोजना कार्यक्रम हेफर इण्टरनेशनल मार्फत किसानहरुलाई सिंचाई सामाग्री वितरण गरिएको छ ।

मंगलवार एक कार्यक्रमको आयोजना गरि गढवा गाउँपालिका वडा नम्बर ५ र ७ का ५५ जना किसानहरुलाई ब्यवसाय प्रवर्धनकालागि पम्पसेट, मोटर, पाईप, सिंचाई डेलिभरी पाईप र हेण्डपम्प वितरण गरिएको हेफर परियोजनाका सामाजिक परिचालक कैलाश चौधरीले जानकारी दिए ।

गढवा सामाजिक उद्यमी महिला सहकारी संस्थाका अध्यक्ष शोभा रावतको अध्यक्षता र गढवा गाउँपालिकाका अध्यक्ष यमनारायण शर्मा पोखे्रलको प्रमुख आतिथ्यमा कार्यक्रम भएको हो । कार्यक्रममा बोल्दै पालिकाका अध्यक्ष शर्माले स्थानीय सरकारको साझेदारी परियोजना मार्फत कृषि र पशुपालन ब्यवसायलाई प्रवर्धन गरी महिलाहरुको आयआर्जन र जिविकोपार्ज तथा नेतृत्व क्षमता बिकासकालागि समेत महिला शसक्तिकरणको पाटोलाई अगाडी बढाइएको बताए ।

किसानहरुको जिवनस्तर उठाउन हेफर परियोजना मार्फत उत्पादन मुखि कार्यक्रमहरु सबै वडाहरुमा गरिदै आएको उनले बताए । पालिकाले किसानहरुको उत्पादन खसीबोका, बाख्रा, भैंसीको नश्लसुधार तथा उत्पालित तरकारीलाई बजारीकरण गर्न सहयोग गर्ने अभियान समेत सुरुवात गरेको अध्यक्ष शर्माले बताए ।

कार्यक्रममा तरकारी खेति गने ५५ जना किसानहरुलाई ब्यवसायिक क्षमता अभिबृद्धि गर्न र उत्पादन बढाउन सिंचाईका लागि बिभिन्न सामाग्रीहरु प्रदान गरिएको हो । हेफर इण्टरनेशनल नेपालको आर्थिक सहयोगमा किसानहरुले माग गरे बमोजिमका सिंचाईका सामाग्रीहरु वितरण गरिएको गाउँपालिकाले जनाएको छ ।

कार्यक्रममा गढवा गाउँपालिका वडा नम्बर ५ का वडा अध्यक्ष लेखबहादुर थापा, ग्रामिण महिला उत्थान केन्द्रका माधवा पोख्रेल, पशु चिकित्सक भिमार्जुन थापा, हेफर ईण्टरनेशनलका प्राबिधिक रमेश लामीछाने लगायतले बोलेका थिए । कार्यक्रमको संचालन हेफर परियोजनाका सामाजिक परिचालक कैलाश चौधरीले गरेका थिए ।