Tsm

Vor

Bbu

nsb

Rgu

Rgs

Sls

Sbs

Ksm

Hal

Wsp

Pvg

Asm

Gst

Rgu

Ggd

Ssm

Rsb

Bbbpu

bbt

Pls

Mks

Jmb

Gsb

Abd

Rpp

Rmb

Bml

Ptm

sab

Syp

Jmb

दाङ । दाङमा डिउटी गरिरहेकी महिला प्रहरीलाई आफ्नै श्रीमानद्वारा गोली हानी हत्या गरिएकाे छ ।

वडा प्रहरी कार्यालय घाेराहीमा कार्यरत प्रहरी जवान धनमाया थापाले घाेराहीकाे दामाेदर चाेकमा डिउटी गरिरहेको समयमा आफ्नै श्रीमान यमबहादुर झाक्रीले एक्कासी गाेली हानेर हत्या गरेको जिल्ला प्रहरी कार्यालय दाङका प्रवक्ता (डिएसपी) जनक मल्लले जानकारी दिनु भयो ।

घटना बिहीबार आज बेलुका करिब साढे ७ बजे भएकाे हाे । श्रीमतीलाई गाेली हानेर भाग्दै गरेका झाक्रीलाई वडा प्रहरी कार्यालय लमहीका प्रमुख प्रहरी निरीक्षक शंकर श्रेष्ठको कमान्ड र प्रहरी नायव निरीक्षक (सई) रकम बहादुर खड्का सहितको टोलीले लमही नगरपालिका वडा नम्बर ६ अर्जुन खोलादेखि साढे ९ बजेतिर नियन्त्रणमा लिएर जिल्ला प्रहरी कार्यालय दाङमा बुझाएको छ ।

झाक्री तालिम केन्द्र नेपालगन्जमा कार्यरत रहेको बताइएको छ । झाक्रीले १४ राउन्ड गोली भर्ने बेरेता पेस्तोल बोकेर दाङमा आएको र एक्कासी डिउटीमा खटेकी आफ्नो श्रीमतीलाई ३ राउन्ड गोली हानी हत्या गरेर घोराहीदेखि टु ट्वान्टी मोटरसाइकलमा भाग्दै गरेको समयमा वडा प्रहरी कार्यालय लमहीले नियन्त्रणमा लिएको हो ।

त्यस्तै झाक्रीसंग पेस्तोल र ७ राउन्ड गोली सहित बरामद गरि जिल्ला प्रहरी कार्यालयमा बुझाइएको छ भने घटना बारेमा थप अनुसन्धान भैरहेको जिल्ला प्रहरी कार्यालय दाङले जनाएको छ ।