दाङ । नेकपा एकिकृत समाजवादीका केन्द्रिय परिषद सदस्य तथा दाङ क्षेत्र नं. १ का ईञ्चार्ज रामप्रसाद गैरे नेकपा एमालेमा प्रवेश गरेका छन् ।

दाङ लमहीमा आयोजीत कार्यक्रममा समाजवादी परित्यागगरी गैरे नेकपा एमालेमा प्रवेश गरेका हुन ।‘समाजवादी पार्टीलाई जनताले अनुमोदन गरेनन् । फुटेर कम्यूनिष्ट आन्दोलानलाई अघि बढाउन सकिदो रहेनछ । म मुलधारमा फर्किएँ’ सम्वोधनका क्रममा उनले भने,‘समाजवादी मोर्चामा माओवादीको एकाधिकार हुन थाल्यो । त्यसले आन्दोलनलाई अघि बढाउन सकिदैन । म एमालेमै फर्किने निधो गरेँ र अहिले पार्टी प्रवेश समेत गरिसकेको छु ।

पार्टीले दिने जुनसुकै जिम्मेवारी बहन गर्न तयार छु ।’ एमाले महासचिव शंकर पोख्रेलले गैरेलाई पार्टी प्रवेश गराएका हुन । समाजवादी पार्टी दाङमा रित्तिदै जान थालेको छ । यस अघि जिल्ला अध्यक्ष सहित केन्द्रिय स्तरका नेताहरु एमालेमा प्रवेश गरिसकेका थिए । क्षेत्र नं. १ बाट निर्वाचित सांसद मेटमणी चौधरी आफ्नो निर्वाचन क्षेत्रमा एक्लिदै जान थालेका हुन । उनलाई साथ दिएकाहरु अहिले एमालेमा फर्किसकेका छन् ।