दाङ । सामाजिक न्याय र लैङ्गिक समानताका लागि दिगो विकासको सुनिश्चितता नाराका साथ अन्तर्रााष्ट्रय महिला दिवसको अवसरमा सुरु गरिएको महिला हकअधिकार सम्बन्धि अन्तरक्रिया कार्यक्रम राप्ती गाउँपालिकाको नयाँबस्तीमा सम्पन्न भएको छ ।

नामसालिङ सामुदायिक विकास केन्द्रले सञ्चालन गरिरहको महिला हकअधिकार सम्बन्धि जनचेतना कार्यक्रम सेवा क्षेत्रमा सञ्चालन गर्दै आएको छ । कोपिला सामुदायिक कृषक समुहको आयोजना तथा नामसालिङ सामुदायिक विकास केन्द्रको सहयोगमा महिला हकअधिकार सम्बन्धि अन्तरक्रिया कार्यक्रम कोपिला सामुदायिक कृषक समुहको अध्यक्ष गौरीमाया घर्तीको अध्यक्षता तथा बायोवृद्ध प्यारी सारुमगरको प्रमुख अथित्यमा सम्पन्न भएको हो ।

समन्न गरिएको सो कार्यक्रममा नामसालिङ सामुदायिक विकास केन्द्रका फिल्ड संयोजक धर्म यादवले अन्तर्राष्ट्रिय महिला दिवसको औचित्य तथा महिला हकअधिकार सम्बन्धि कुरा गर्दै अन्तरक्रिया छलफल सहजीकरण गर्नु भएको थियो । विभिन्न समुह तथा समुदायको महिला पुरुष गरी ४५ जना सहभागिता रहेको सो कार्यक्रममा घन्टादेव सामुदायिक बनका अध्यक्ष दल बहादुर घर्ती, समाजसेवी तुला गिरी, फुलवारी समुहका सचिव बालिक केसी, कोषाध्यक्ष शारदा पोख्रल, सागरमाथा समुहका अध्यक्ष आशा चौधरी , उपाध्यक्ष रिता चौधरी,प्रगतिशील समुहका सचिव निशु चौधरी लगाएतका बक्ताहरु मन्तब्य राख्नु भएको थियो ।

साथै समुह सदस्यहरुले महिला हकअधिकार सम्बन्धि गीत, कविता प्रस्तुत गरेका थिए । कोपिला समुहका सदस्य रिना सार्कीको स्वागत मन्तब्यबाट सुरु भएको सो कार्यक्रमको सञ्चालन कोपिला समुहका सचिव सुधा शाही गर्नु भएको थियो ।