Tsb

Ssb

Gsb

Hl1

Usb

ptl

Nps

Rgu

काठमाडौं । नेपालमा पोल्ट्रि व्यवसायमा किसानको आकर्षण बढ्दै गएपनि झन्झटका लागि बीमामा भने चासो नदेखाएका पाइएको छ । नेपाल पोल्ट्रि महासंघका अनुसार देशभर ७० हजारभन्दा बढी किसानले व्यावसायीक कुखुरापालन गर्दै आएका छन् ।

कुखुरा हालेदेखि बिक्री नहुँदासम्म हरेक लट अनुसार नै विमा गरिरहनुपर्ने भएकाले किसान बीमाप्रति आर्षित नभएका नेपाल पोल्ट्रि महासंघका उपाध्यक्ष टिकाराम पोखरेलको भनाइ छ ।

नेपालमा २०७० सालबाट कुखुराको बीमा गर्न सुरु गरिएको हो । आर्थिक वर्ष २०७४÷७५ देखि ७७÷७८ अर्थात ४ वर्षमा जम्मा ७ हजार ब्रोइलर कुखुराको बीमा गरिएको बीमा समितिका प्रवक्ता राजुरमण पौडेलले जानकारी दिनुभयो ।

बीमा रकम पाउन कुल कुखुरा मध्ये दैनिक ५ प्रतिशत मर्नैपर्ने, कुखुरा कति मरे, के कारणले मरे अभिलेख राख्नुपर्ने, क्षति मुल्यांकनको स्पष्ट आधार हुनुपर्ने प्रावधानमा किसान झन्झट रहेको छ ।

छोटो समयमै आम्दानी लिन सकिने भन्दै ब्रोइलर कुखुरा पालनमा किसानको आकर्षण बढे पनि डुबान, बाढी लगायतको भवितब्यबाट जोगिन बीमामा कमैको ध्यान जाने गरेको छ ।