दाङ । घोराही उपमहानगरपालिकाले पसलहरुको अनुुगमनलाई निरन्तरता दिएको छ । उपमहानगरको उपभोक्ता हित संरक्षण शाखाको अगुवाईमा आज घोराही १ सिमलतारामा रहेका पसलहरुको अनुुगमन गरिएको हो ।
एक दर्जन पसलहरुको अनुुगमन गर्दा विभिन्न त्रुटिहरु फेला परेको शाखा प्रमुख श्रीधर अधिकारीले जानकारी दिनुुभएको छ । व्यवसायीले विग्रीएको तराजु प्रयोगमा ल्याएको पाईएपछि ३ वटा तराजुु जफत गरिएको छ । त्यसैगरी, म्याद गएको १६ लम्बरी आटा पिठो, दुुई दर्जन प्याकेट चाउमिन, २ दर्जन सस बरामद गरेर नष्ट गरिएको शाखा प्रमुख अधिकारीको भनाई छ ।
त्यसैगरी, विक्रि मूल्य भन्दा बढीमा खाने तेल विक्रि गरेको समेत पाईएको भन्दै ति व्यवसायीहरुलाई अब देखी त्यसो नगर्न भनिएको छ । अधिकांश पसलहरु दर्ता विनै चलेको समेत पाईए पछि अनुुगमन टोलीले अनिवार्यरुपमा दर्ता गर्न र उपभोक्ता अधिकारलाई ख्याल गरेर व्यवसाय गर्न निर्देशन दिएको छ ।
अनुुगमनमा जिल्ला प्रशासन, उद्योग बाणिज्य संघ, पत्रकार एंब प्रहरीको सहभागिता रहेको थियो । घोराही उपमहानगरपालिकाले निरन्तर बजारको अनुगमन गर्दै व्यवसायीलाई जिम्मेवार बन्न र उपभोक्तालाई सचेत बन्न आग्रह गर्दै आएको छ ।