Rgu

nsb

Ssm

Pvg

Ggd

Sls

Sbs

Gst

Asm

Tsm

Hal

Wsp

Rgs

Rsb

Bbbpu

Rgu

Ksm

Vor

Bbu

Ptm

Jmb

Bml

bbt

Rpp

Gsb

sab

Jmb

Syp

Mks

Rmb

Pls

Abd

दाङ । देउखुरीको राजपुर गाउँपालिकामा सोमबारदेखि नेपाल टेलिकमको फाइबर टू द होम (एफटिटिएच) सेवा सुरु भएको छ ।

सञ्चार तथा सूचना प्रविधि मन्त्री रेखा शर्माले गाउँपालिका अध्यक्ष शरदकुमार बुढाथोकीसँग कुराकानी गरेर एफटिटिएचको अनलाइन उद्घाटन गर्नुभएको हो ।

सो क्रममा मन्त्री शर्माले दुर्गममा उच्च गतिको इन्टनेटसहितको दुरसञ्चार सेवा विस्तार गर्ने क्रममा राप्तीपारिको गाउँपालिका राजपुरमा एफटिटिएच पुर्याइएको बताउनुभयो । उहाँले अध्यक्षमार्फत गाउँपालिकाका बासिन्दा बधाई पनि दिनुभयो ।

त्यस्तै केही समयअघि दाङको पहाडी गाउँपालिका बंगलाचुलीमा एफटिटिएच सेवा पुर्याइएको जानकारी दिंदै दाङ निर्वाचन क्षेत्र नम्बर २ का प्रतिनिधिसभा सदस्य समेत रहनुभएका मन्त्री शर्माले अब लगत्तै राप्तीपारिको गाउँपालिका गढवामा पनि सेवा विस्तार हुने बताउनु भयो ।

दश वटा स्थानीय तह रहेको दाङका छ वटा पालिकामा एफटिटिएच सेवा विस्तार भएको छ । मन्त्री शर्माले बाँकी तीन गाउँपालिका शान्तिनगर, बबई र दंगशीरणमा पनि चाँडै एफटिटिएच विस्तार गर्न नेपाल टेलिकमललाई निर्देशन दिनुभएको छ ।

नेपाल टेलिकम तुलसीपुरका प्रमुख सन्तोष शर्माले पूर्वपश्चिम राजमार्गको रिहारबाट १५ किलोमिटर अप्टिकर फाइबर विस्तार गरेर राजपुरमा सेवा सुरु गरिएको जानकारी दिनुभयो । हाल वडा नम्बर ४, ५ र ६ मा यो सुविधा पुर्याइएको र यसबाट तत्काल पाँच सय १२ लाइन फोन, इन्टरनेट र टेलिभिजन वितरण गर्न सकिने उहाँले जानकारी दिनुभयो । यो पालिकाका वडा नम्बर १, २ र ३ मा चाँडै विस्तार गरिने उल्लेख गर्दै उहाँले यो हप्ताभित्रै गढवा गाउँपालिकामा एफटिटिएच विस्तारको काम सुरु हुने बताउनुभयो ।

त्यस्तै तुलसीपुरदेखि हापुरेसम्मको लाइन विस्तारको काम पनि शुरु गर्ने तयारी थालिएको जानकारी दिंदै कार्यालय प्रमुख शर्माले अबको दुई महिनाभित्र एफटिटिएच पुग्न बाँकी शान्तिनगर, दंगीशरण र बबई पनि पुर्याइने जानकारी दिनुभयो ।

त्यस्तै राजपुर गाउँपालिकाका अध्यक्ष शरद कुमार बुढाथोकीले यो सेवा राजपुरमा ल्याउनका लागि लुम्बिनी प्रदेशका सांसद अनुराग खड्कासंग मन्त्री शर्मालाई मन्त्रालयमा भेटेर माग गरिएको आधारमा एफटिटिएच सेवा प्राप्त गरेको बताउनु भयो ।अध्यक्ष बुढाथोकीले आफ्नो अनुरोधलाई तत्काल सम्बोधन गरि यो सेवा प्रदान गरेकोमा मन्त्री शर्मालाई धन्यवाद दिदै राजपुरको नाका क्षेत्रको पुर्व-पश्चिम् जोड्ने बाटोको लागि पहल गर्न समेत आग्रह गरेको जानकारी दिनु भयो ।