Rms

mbd

Jmg

Rgs

apb

tvs

दाङ । देउखुरीको राजपुर गाउँपालिका वडा नम्बर १ को कार्यालय भवन निर्माण स्थल छनौट र देविस्थान सामुदायिक वन उपभोक्ता समूहमा उक्त वडाको कठवेरुवाका स्थानियबिच विवाद चर्किएको छ।

राजपुर -१ कठवेरुवा स्थित देविस्थान सा.व.का उपभोक्ता रामबकश चौधरीको नेतृत्वमा गएको विहिवार करिव १५० भन्दाबढी कठवेरुवा वासीले तोकिएको स्थानमा नै वडा कार्यालय भवन निर्माण कार्य अघि बढाईनुपर्ने र देविस्थान सा.व.उ. समितिले सम्पुर्ण उपभोक्ताहरुकोबिच आर्थिक कारोवारलाई सार्वजनिक गरिनुपर्ने तथा वार्षिकरुपमा साधारणसभा राखिनुपर्नेमा यस कार्यलाई सहज बनाउदै अघि बढनुपर्नेमा सहज बनाउनुको सट्टा वडा अध्यक्ष र सामुदायिक वनका अध्यक्ष जिम्मेवारीबाट पछि हटदै गरेकोले आफुहरु दवाव सृजनाका निम्ति वडा कार्यालयमा उपस्थित भएको बताएका थिए ।

समस्या छिटो टुङ्याउछु वडा अध्यक्ष :

यसैबीच सम्बन्धित वडा अध्यक्ष बिष्ण बहादुर बुढाले सरोकारवालाहरु सबैलाई राखेर वडा कार्यालय भवन निर्माण स्थल छनौट कार्य छिटो भन्दाछिटो टुङ्याउने र सा.व. उ.समितिले गरेका आर्थिक कारोवारलाई साधारणसभामा राखेर सार्वजनिक गर्ने कार्यमा आफुले जिम्मेवारीको भुमिका निर्वाह गर्ने बताउनु भएको छ ।

लेखापरीक्षण भएको छ, साधारणसभा राखी सार्वजनिक गर्छु सा. व. अध्यक्ष :

देविस्थान सा.व.उ. समितीका अध्यक्ष भिम वहादुर ठेडिमगरले उपभोक्ताले राखेका उचित मागका सम्बन्धमा आफू जिम्मेवार भएको, लेखापरीक्षण कार्य समेत सम्पन्न भईसकेको भएपनि लेखापरीक्षण प्रतिवेदन सार्वजनिक गर्नका निम्ति साधारणसभा आयोजना गर्दा कोभिड-१९ को कारण समस्या हुने र बेला वन सव-डिभिजन कार्यालय प्रमुखले दिएको सल्लाहबमोजिम हाललाई रोकिएको भएपनि पुन: निजको समेत सल्लाह लिई साधारणसभा राखिने बताउनु भयो ।

समस्या जटिल छ,´छानबिनमै छु`,बेला सवडिभिजन प्रमुख:

यसैबीच देविस्थान सा.व.उ. समूहमा वैज्ञानिक वन व्यवस्थापन भएदेखी नै विवाद रहदै आएकोले उक्त सा. व. उ. समुहका उपभोक्ताहरु एकआपसमा बाझिने, हो-हल्ला गर्न खोज्दा समस्या अझै जटिल बन्दै गएको र अख्तियार दुरुपयोग अनुसन्धान आयोगमा समेत मुद्दा परेकोले आयोगबाट आउने निर्देशनबमोजिम आफुले छानबिन कार्य गरिरहेको बेला वन सवडिभिजन कार्यालयका प्रमुख टेकेन प्रसाद आचार्यले बताउनु भएको छ ।