Sls

Ggd

Sbs

Ksm

Bbu

Bbbpu

Vor

Pvg

Rgu

Asm

Wsp

nsb

Rgu

Ssm

Rsb

Gst

Tsm

Hal

Rgs

Gsb

Ptm

Mks

Bml

Jmb

Rpp

bbt

Pls

sab

Syp

Rmb

Abd

Jmb

काठमाडौं । बाँकेमा कोरोना भाइरस (कोभिड-१९) संक्रमणबाट सोमबार एकैदिन ५ जनाको मृत्यु भएको छ ।

बाँकेका कोरोना फोकल पर्सन तेज ओलीका अनुसार बाँकेका चार जना र एक जना बर्दियाका कोरोना संक्रमितको मृत्यु भएको हो ।

नेपालगञ्जस्थित मेडिकल कलेज शिक्षण अस्पताल कोहलपुरमा दुईजना, भेरी अस्पतालमा एकजना, नेपालगञ्ज नर्सिङहोम प्रि-आइसोलेसन एकजना र होम आइसोलेसनमा बसेका एक जना गरी ५ जनाको मृत्यु भएको उनले बताए ।

शिक्षण अस्पतालमा कोहलपुर-५ बाँकेकी ४५ वर्षीय महिला र कोहलपुर-२ की ५० वर्षीय महिलाको मृत्यु भएको उनले बताए । ४५ वर्षीया महिलाको उपचारको क्रममा सोमबार बिहान ७ बजे मृत्यु भएको हो । उनीमा शनिबार संक्रमण पुष्टि भएकोमा त्यसको भोलिपल्ट अस्पताल भर्ना भएकी थिइन् ।

कोहलपुर-२ कि ५० वर्षीया महिलाको उपचारको क्रममा सोमबार ४ बजे मृत्यु भएको ओलीले बताए । आइतबार गरिएको पीसीआर परीक्षणमा उनीमा संक्रमण पुष्टि भएकोमा सोही दिन अस्पताल भर्ना भएकी थिइन् ।

यसैगरी भेरी अस्पतालमा उपचाररत बर्दियाको बढैयाताल-८ का ४३ वर्षीय पुरुषको सोमबार दिउँसो १२ बजे मृत्यु भएको ओलीले बताए । नेपालगञ्ज मेडिकल कलेजमा आइतबार गरिएको पीसीआर परीक्षणमा उनीमा संक्रमण पुष्टि भएकोमा थप उपचारका लागि भेरी अस्पताल पुर्‍याउने बित्तिकै उनको मृत्यु भएको ओलीले बताए ।

नेपालगञ्ज नर्सिङहोम प्रि आइसोलेसनमा नेपालगञ्ज-४ कि ५५ वर्षीया महिलाको सोमबार दिउँसो २:३५ बजे मृत्यु भएको ओलीले बताए । उनीमा आइतबार कोरोना संक्रमण पुष्टि भएको थियो ।

यसैगरी बाँकेको खजुरा-२ स्थित होम आइसोलेसनमा बसेका ८८ वर्षीय पुरुषको सोमबार दिउँसो ४ बजे मृत्यु भएको उनले बताए । वैशाख ४ गते गरिएको परीक्षणमा त्यसको भोलिपल्ट उनीमा संक्रमण पुष्टि भएको थियो । संक्रमण देखिए पनि उनको आफन्तले उनलाई होमआइसोलेसनमा राख्ने गरी अस्पतालको अनुमतिमा वैशाख १२ गते घर लगेका ओलीले जानकारी दिए । साभार अनलाइन खबरबाट