nsb

Rsb

Sls

Bbbpu

Ggd

Hal

Ssm

Wsp

Tsm

Vor

Gst

Rgu

Sbs

Bbu

Pvg

Asm

Ksm

Rgu

Rgs

Mks

Gsb

sab

Syp

Abd

Bml

Pls

Jmb

Rpp

bbt

Jmb

Rmb

Ptm

दाङ । लागू औषध दुरुपयोग तथा अवैध ओसारपसार विरुद्धको अन्तर्राष्ट्रिय दिवसको अवसरमा तुलसीपुरमा विद्यार्थी लक्षित लागू औषधविरुद्ध सचेतनामूलक सम्बन्धि कार्यक्रम शुक्रबार सम्पन्न भएको छ ।

“लागू औषध चुनौती चिनौँ, सामाजिक बाटो खोजौँ” भन्ने नारासहित तुलसीपुर बहुप्राविधिक शिक्षालयको आयोजना तथा तुलसीपुर–१९ स्थित नयाँ पाइला पुनर्स्थापना केन्द्रको समन्वयमा कार्यक्रम गरिएको हो । कार्यक्रममा विद्यार्थीलाई लागू औषधको दुरुपयोगका असर, त्यसको रोकथाम तथा पुनर्स्थापनाका उपायबारे जानकारी गराइएको थियो ।

नयाँ पाइला पुनर्स्थापना केन्द्रका मनोपरामर्शकर्ता शैलेश शर्माले लागू औषध दुर्व्यसनका कारण, त्यसबाट हुने शारीरिक,मानसिक तथा सामाजिक असर र समाधानका उपायबारे प्रशिक्षण दिएका थिए । उनका अनुसार दुर्व्यसनमा फसेका व्यक्तिमा विद्यालय छोड्ने,नियमित कक्षामा अनुपस्थित हुने, समयको दुरुपयोग गर्ने,शारीरिक पीडा तथा अत्यधिक र्‍याल आउनेजस्ता लक्षण देखिन सक्छन् । किशोरावस्थाको उत्सुकता,गलत साथीको संगत तथा पारिवारिक र सामाजिक वातावरणले पनि युवालाई दुर्व्यसनतर्फ धकेल्न सक्ने उनले बताए ।

मनोपरामर्शकर्ता शर्माले अल्कोहल लगायतका पदार्थको दुरुपयोगले स्नायु प्रणालीमा गम्भीर असर पार्ने र विश्व स्वास्थ्य संगठनले यसलाई स्वास्थ्य सम्बन्धी गम्भीर समस्याका रूपमा लिएको जानकारी दिए । समयमै उपचार, मनोपरामर्श तथा सामाजिक सहयोगबाट दुर्व्यसन न्यूनीकरण गर्न सकिने उनको भनाइ छ ।

कार्यक्रमले विद्यार्थीमा लागू औषधविरुद्ध सचेतना अभिवृद्धि गर्नुका साथै स्वस्थ र सकारात्मक जीवनशैली अपनाउन प्रेरित गरेको आयोजकले जनाएको छ । शिक्षालयका प्रमुख वसन्त आचार्यको अध्यक्षतामा सम्पन्न कार्यक्रममा सहायक प्रमुख गोपाल रेग्मीको पनि उपस्थिति रहेको थियो । कार्यक्रमको सञ्चालन शिक्षक केपी न्यौपानेले गरेका थिए । नयाँ पाइला पुनर्स्थापना केन्द्रले प्रत्येक वर्ष यसैगरी विभिन्न निकायसंग सहकार्य  एवम् समन्वय गरि लागूऔषध सम्बन्धि जनचेतनामूलक कार्यक्रमहरु गर्दै आइरहेको सो केन्द्रका कार्यकारी निर्देशक सुरेश भुसालले जानकारी दिए ।