lms

काठमाडौँ । केही समय यता मनसुनको न्यून चापीय रेखा सरदर स्थानको दक्षिण तर्फ अवस्थित छ । फलस्वरुप, नेपालमा मनसुन केही कमजोर हुने देखिन्छ ।

शुक्रबार लुम्बिनी प्रदेश र सुदूरपश्चिम प्रदेश लगायत देशको पहाडी भू-भागमा साधारणतया रही बाँकी भू-भागमा आंशिक बदली रहेको छ। कोशी प्रदेश पहाडी भू-भागको थोरै स्थानहरुमा बागमती प्रदेश, गण्डकी प्रदेश र लुम्बिनी प्रदेशको पहाडी भू-भागका एक-दुई स्थानमा हल्का वर्षा भइरहेको छ।

त्यस्तै आज बिहानको मापन अनुसार कोशी, नारायणी, बागमती, कर्णाली,महाकाली र यिनका सहायक नदीहरु तथा कन्काई,कमला,पूर्वी राप्ती. पश्चिम राप्ती र बबई नदीको बहाव सतर्कता तह भन्दा तल रहेको बाढी पूर्वानुमान महाशाखाले जानकारी दिएको छ ।

यस्तै शुक्रबार ताप्लेजुङ,सङ्खुवासभा,सोलुखुम्बु, रामेछाप, भोजपुर,दोलखा,सिन्धुपाल्चोक, काभ्रेपलान्चोक, काठमाडौँ, ललितपुर, भक्तपुर, म्याग्दी,गुल्मी,रोल्पा,रुकुम पश्चिम, कालिकोट, बाजुरा, बझाङ, डोल्पा,मुगु,हुम्ला,दार्चुला,र आसपासका जिल्ला भई बहने केही स-साना नदीहरुको बहाव उल्लेख्य बढ्ने र आकस्मिक बाढीको मध्यम जोखिमको मध्यम सम्भावना रहने पूर्वानुमान रहेको छ ।