Tsb

Hl1

Usb

Gsb

Ssb

Rgu

ptl

Nps

दाङ । राप्ती नदीमा भैँसी तार्ने क्रम बगेर बेपत्ता भएकी १६ वर्षीया बालिका मृत अवस्थामा फेला परेकी छिन् ।

राजपुर गाउँपालिकमा वडा नम्बर ३ कालीपुरुवाका रामकुमार यादवको छोरी १६ का विद्यावती यादव मृत अवस्थामा फेला परेको जिल्ला प्रहरी कार्यालय दाङका प्रहरी प्रवक्ता डिएसपी ईश्वर थापाले जानकारी दिए ।

यादव बुधबार साँझ ६ बजेतिर लमही नगरपालिका वडा नम्बर -८ दुईघरवाबाट भैँसी चराई घर तर्फ फर्किदै गर्दा राप्ती नदीमा भैँसी तार्ने क्रममा बगी बेपत्ता भएकी थिइन् । यादव बगेर बेपत्ता भएको स्थानीयले प्रहरीलाई खबर गरे पश्चात स्थानीयवासी र प्रहरी टोलीले खोजी प्रक्रिया सुरु गरेको डिएसपी थापाले बताए ।

त्यस्तै बेपत्ता बालिकालाई खोजी गदै जाँदा बिहीबार आज बिहान साढे ८ बजेतिर लमही नगरपालिका-८ धनपुरुवा स्थित राप्ती नदीको बीचमा बालिकाको शव फेला परेको थापाले जानकारी दिए । घटनाको बारेमा थप अनुसन्धान भइरहेको प्रहरीले जनाएको छ ।