Hl1

Tsb

Usb

Gsb

Ssb

Nps

Rgu

ptl

दाङ । अभिनेता पल शाहले चलचित्र रावायण दर्शकको चाहना बमोजिम बनेको बताएका छन् । बुधबार चलचित्रको प्रचार प्रसारकालागि दाङ आएका नायक पल शाहसंग चलचित्र पत्रकार संघ नेपाल दाङ शाखाले गरेको साक्षात्कार कार्यक्रम बोल्दै अभिनेता पल शाहले आफूले चलचित्रमा धेरै मिहेनत गरी काम गरेको बताए । उनले दर्शकको चाहाना बमोजिमको चलचित्र रावायण भएको समेत जानकारी दिए ।

संघका जिल्ला अध्यक्ष सन्तोष केसीको अध्यक्षतामा भएको कार्यक्रममा उनले दर्शकलाई एकपटक चलिचत्र हेरी नेपाली फिल्मलाई माया गरिदिनुहुन आग्रह गरे । यस्तै चलचित्रकी नायिका तथा निर्मात्री पुजा शर्माले सिनेमा राम्रो बनेको र सिनेमा हेरेका दर्शकले सिनेमा मन पराइदिएकोमा खुसी व्यक्त गरिइन । साथै दाङ जिल्लामा आफू पहिलो पटक आएको र आफूले दाङबासीहरुको असाध्यै माया पाउदा प्रफूल्लित भएको बताए । उनले आम दर्शकलाई सिनेमा हेर्न समेत आग्रह गरिइन ।

कार्यक्रममा चलचित्र पत्रकार संघ नेपालका केन्द्रिय कार्यसमिति सदस्य ध्रुव राज न्यौपानेले स्वागत मन्तव्य राखेका थिए भने कार्यक्रमको संचालन दाङ शाखा कोषाध्यक्ष भूपेश वलीले गरेका थिए ।