Hl1

Ssb

Usb

Tsb

Gsb

Nps

ptl

Rgu

बागमती । बागमती प्रदेशमा काङ्ग्रेसका ४ जना मन्त्रीले शपथ लिएका छन् ।

शनिवार एक समारोहका बिच मुख्यमन्त्री बहादुरसिंह लामाले नियुक्त गरेका ४ मन्त्रीले शपथ ग्रहण गरेका हुन् । प्रदेश प्रमुख यादवचन्द्र शर्माले शनिबार आज हरि प्रभा खड्गी, सुरजचन्द्र लामिछाने,मिनकृष्ण महर्जन र विमल ठकुरीलाई पद तथा गोपनीयताको शपथ गराएका हुन् ।

त्यस्तै उनीहरूको शपथ पछि मन्त्रालयको कार्यभार समेत तोकिएको छ । बुधबार नियुक्त भएका ३ र बिहीबार नियुक्त भएका ४ जना गरी काङ्ग्रेसका ७ मन्त्रीको जिम्मेवारी तोकिएको हो । लामिछानेले आन्तरिक मामिला तथा कानुन मन्त्रालय, महर्जनले युवा तथा खेलकुद मन्त्रालय, खड्गीले सामाजिक विकास मन्त्रालय र ठकुरीले संस्कृति पर्यटन तथा सहकारी मन्त्रालयको जिम्मेवारी तोकिएको छ ।

यस्तै बुधबार नियुक्त भएका कुन्दनराज काफ्लेले आर्थिक मामिला तथा योजना मन्त्रालयको जिम्मेवारी पाएका छन् भने श्यामबहादुर खड्काले खानेपानी, ऊर्जा तथा सिँचाइ मन्त्रालय पाएका छन् । मदुकुमार श्रेष्ठको भने जिम्मेवारी पछि तोकिने बताइएको छ ।