Ssb

Usb

Hl1

Tsb

Gsb

ptl

Nps

Rgu

दाङ । देउखुरीको गढवा गाउँपालिका स्तरीय सहकारी संजालकाे अध्यक्ष,व्यवस्थापक र लेखा सुपरिबेक्षण समिति संयाेजकहरुका लागि ३ दिने सहकारी तालिम आइतबार एक कार्यक्रमका बिच सम्पन्न भएको छ ।

संजालका अध्यक्ष बेगम गहतराजकाे सभापतित्वमा सम्पन्न कार्यक्रममा बाेल्ने बक्ताहरुले सहकारीकाे दिगाे बिकाश तथा व्यवस्थापनमा सहकारी संजालले गरेकाे कार्यकाे प्रशंसा गरेका थिए । पहिलाे दिन अध्यक्ष दाेस्राे दिन व्यवस्थापक र तालिमकाे अन्तिम दिन लेखा सुपरिवेक्षण समिति संयाेजकहरुलाई तालिम दिईएकाे थियाे ।

तालिमकाे प्रशिक्षकमा संजालका अध्यक्ष बेगम गहतराज, आयाम बहुउद्देश्यीय सहकारी संस्था दाङका अध्यक्ष ओम प्रकाश बसेल,सहकारी कर्मि फणाधर ढकाल,रम्भु चाैधरी र देव प्रकाश चाैधरी रहनु भएकाे थियाे । गाउँपालिका भरका ३२ वटा सहकारीहरुकाे तालिममा सहभागीता रहेकाे संजालका काेषाध्यक्ष अशाेक केसिले जानकारी दिनु भयाे ।

सहकारीमा अध्यक्ष,व्यवस्थापक र लेखा सुपरिवेक्षण समितिकाे काम कर्तव्य र अधिकार,सहकारीका खाताहरु, सहकारी व्यवस्थापनमा रहने भुमिका, काेपाेमिस,पर्लस, सम्पत्ति शुद्धीकरण लगायतका विभिन्न जानकारी दिईएकाे संजालका अध्यक्ष गहतराजले जानकारी दिनुभयाे । तालिम पश्चात् सिकेका कुराहरु हरेक सहकारीमा लागू गर्न प्रयत्न गर्ने सहभागीहरुले बताएका छन् । यस्ता कार्यक्रमहरु संचालनमा आईरहनु पर्नेमा सहभागिहरुले जाेड दिएका थिए । कार्यक्रम सहकारी संजाल गढवाकाे आयाेजना तथा गढवा गाँउपालिका सहकारी शाखाकाे समन्वयमा सम्पन्न भएकाे हाे ।