Hl1

Tsb

Gsb

Usb

Ssb

Rgu

Nps

ptl

बाँके । जिल्ला ट्राफिक प्रहरी कार्यालय बाँकेले जिल्लाका राजमार्गमा टिप्परहरु गुडाउँदा तीव्र गति नियन्त्रण गर्न टाइम कार्ड लागू गरेको छ । चैत २२ गते मंगलबारबाट लागू हुने गरी लागू गरिएको टाइम कार्डका लागि सडकखण्डअनुसार गतिको सीमा तोकिएको छ ।

उक्त गतिभन्दा बढी गतिमा टिप्पर गुडाएको पाइएमा कारबाही गर्न निर्देशन दिइएको जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक हिमालय शाहले जानकारी दिए । उनले टिप्पर तथा निर्माण व्यवसायीहरुसँग छलफल गरेर टाइमकार्ड लागू गराइएको बताए ।

बाँकेका राप्ती खोला,शम्शेरगन्ज,सम्झना,खजुरा र चिसापानीबाट टिप्परका चालकहरुले अनिवार्यरुपमा टाइम कार्ड लिनुपर्ने भएको छ । बाँकेका प्रमुख जिल्ला अधिकारी सूर्यबहादुर खत्रीले पनि आवश्यक व्यवस्था गर्न प्रहरीलाई निर्देशन दिने बताएका थिए । यस सम्बन्धमा पनि व्यवसायीहरुसँगको छलफलमा कुरा उठेको र मौखिक सहमति भए पनि हाललाई टाइम कार्ड लागू गरेर परीक्षण गर्ने सहमति भएको ट्राफिक प्रमुख शाहले जानकारी दिए ।

‘टाइम कार्डले गति सीमित गरेपछि एक किसिमले उक्त मागको पनि सम्बोधन हुन्छ । यदि समस्या उस्तै रह्यो भने निश्चित समयमा रोक लगाउन सकिने गरी मौखिक सहमति भएको छ । शाहले भने । अब राजमार्ग तथा सहरभित्रका सडकमा निश्चित गतिभन्दा बढीमा टिप्पर गुडाएमा चोकहरुमा खटिएका प्रहरीले चेक गरेर हदैसम्मको जरिवाना कारबाही गर्न सक्ने उनले बताए ।