Tsb

Gsb

Hl1

Ssb

Usb

ptl

Nps

Rgu

रुकुमपश्चिम । रुकुम पश्चिमको आठबीसकोट नगरपालिका १ मा सडक बनाउन हेलिकप्टरबाट डोजर ढुवानी गरिएको छ । वडा नम्बर-१ चैतिखारामा सडक बनाउन हेलिकप्टरमार्फत डोजर ढुवानी गरिएको आठबीसकोट नगरपालिकाका प्रमुख गोर्खबहादुर केसीले जानकारी बताए । नगरपालिकाको वडा नम्बर-३ खदीमा रहेको डोजर शुक्रबार दिनभरिमा वडा नम्बर एकमा पुर्याइ सकिने नगरप्रमुख केसीको भनाइ छ ।

त्यस्तै बिहीबार पनि हेलिकप्टरले गोतमकोट पुगेर डोजरका सामग्री ढुवानी गरेको थियो । वडा नम्बर–१ मा रहेको साजेबगर-चैतिखारा-बारिङ्गे सडक निर्माणका लागि हेलिकप्टरबाट डोजर ल्याउनु परेको वडा अध्यक्ष देवबहादुर घर्तीले बताए । दुर्गम गाउँ बस्तीमा सडक पुर्याउने उद्देश्यले हेलिकप्टरबाट डोजरका सामग्री ढुवानी गर्नु परेको नगरप्रमुख केसीको भनाइ रहेको छ ।

यस्तै आठबीसकोट नगरपालिकाभित्र ३ सय किलोमिटर सडक सञ्जाल रहेको र सबै ठाउँमा ट्रयाक खोल्ने काम अन्तिम चरणमा पुगेको नगरपालिकाले जनाएको छ ।