Hl1

Tsb

Usb

Gsb

Ssb

Rgu

ptl

Nps

दाङ । दाङमा यात्रुबाहक बस र टिप्पर एक आपसमा ठोकीदा ६ जना घाईते भएका छन् । घोराहीबाट लमही जाँदै गरेको रा १ ख २५५३ नम्बरको टिप्पर र लमहीबाट घोराही आँउदै गरेको रा १ ख २११९ नम्बरको यात्रु बस घोराही उपमहानगरपालिका वडा नम्बर ३ चिसापानीमा ठोकीदा चालक सहित ६ जना घाईते भएका हुन् ।

त्यस्तै घाईते हुनेहरुमा टिप्पर चालक घोराही उपमहानगरपालिका ३ झिङ्नीका ३५ बर्षिय पुरण चौधरी,बसका चालक लमही नगरपालिका ९ का ३२ बर्षिय शिव चौधरी,बंगलाचुली १ का ५२ बर्षिय नन्दबहादुर बिक, सोहि ठाउँका ३२ बर्षिय धनिराम हमाल,गढवा ३ की २१ बर्षिया अस्मीता घर्ती, राजपुर ७ की २४ बर्षिया अमृता बिक रहेको जिल्ला प्रहरी कार्यालय दाङले जनाएको छ ।

दुर्घटनामा घाईते हुनेहरुको राप्ती स्वास्थ्य बिज्ञान प्रतिष्ठान घोराही र लमहीको फ्लोरेन्स अस्पतालमा उपचार भईरहेको छ । घाईते मध्ये दुबैजना चालकको अवस्था गम्भिर रहेको बताईएको छ । अन्य यात्रु भने सामान्य घाईते भएका छन् ।

यस्तै लमहीबाट आउदै गरेको बसलाई घोराहीदेखि माटो लिएर लमही तर्फ जाँदै गरेको टिप्परले ठक्कर दिएको थियो । बसलाई ठक्कर दिएर नियन्त्रण गुमाएको टिप्पर करिब पचास मिटर पर गएर पल्टिएको थियो ।