दाङ । अजम्मरी सामुदायिक वन उपभोक्ता समूह लमहीले सार्वजनिक शौचालय संचालकलाई तिनदिन भित्र शौचालय तथा सटर खाली गर्न अल्टिमेटम दिएको छ ।

शौचालय संचालकले सम्झौताको सर्त उल्लङ्घन गर्दै,तोकिएको रकम भन्दा बढी रकम लिने क्रममा स्थानीय उपभोक्ता माथि बुधवार दिउँसो कुटपिट, हातपात तथा दुव्र्यवहार गरेको प्रति सामुदायिक वनको गम्भिर ध्यानाकर्षण भएको छ ।

पटकपटक सम्झौता विपरित कार्य नगर्न आग्रह गर्दागर्दै,संस्थाको हित विपरित कार्य गरेको हुदाँ र स्थानीय उपभोक्ता माथि अमानविय व्यवहार गरेको र उपभोक्ताको प्रतिष्ठामा नकारात्मक असर पर्नुका साथै उपभोक्तामा असन्तुष्टि सृजना भएको हुदाँ उक्त शौचालय तिनदिन भित्र पूर्णरुपमा खाली गर्न अल्टिमेटम दिएको हो ।

त्यस्तै,अजम्मरी सामुदायिक वन उपभोक्ता समूह लमहीले शौचालय संचालकलाई बुधवार तिनदिन भित्र शौचालय तथा सटर खाली गर्न अल्टिमेटमको पत्र पठाएको छ । साथै तोकिएको अवधिभित्र शौचालय खाली नगरेमा प्रचलित कानुन तथा सम्झौता अनुसार सम्झौता स्वत रद्द गरि आवश्यक कानुन एवम् प्रशासनिक प्रकृया अगाडी बढाइने सामुदायिक वनले जनाएको छ ।