Pvg

Asm

Bbu

Sbs

Gst

Bbbpu

Rgu

nsb

Rgs

Hal

Sls

Rgu

Wsp

Rsb

Tsm

Ssm

Ksm

Ggd

Vor

Bml

bbt

sab

Jmb

Pls

Ptm

Mks

Rpp

Gsb

Jmb

Abd

Syp

Rmb

रुकुमपूर्व । पर्यटन प्रवर्द्धनसँगै स्थानीय युवालाई स्वरोजगारतर्फ उन्मुख गराउने उद्देश्यले पुथा उत्तरगंगा गाउँपालिकामा १५ दिने ट्रेकिङ गाइड तालिम सुरु गरिएको छ ।

गाउँपालिकाको आर्थिक सहयोगमा युवा विकास केन्द्र (वाईडीसी) ले सञ्चालन गरेको तालिम मंगलबारदेखि पुथा उत्तरगंगा–१०, तकसेरामा सुरु भएको हो । तालिमको उद्घाटन गाउँपालिका अध्यक्ष पुनिराज घर्तीले गरेका छन् ।

तालिममा पर्यटकीय गन्तव्यको पहिचान, ट्रेकिङ मार्ग व्यवस्थापन, पर्यटकसँगको व्यवहार, प्राथमिक उपचार,पर्यटन सुरक्षा तथा गन्तव्य प्रवर्द्धनलगायत विषयमा प्रशिक्षण दिइने आयोजकले जनाएको छ । पाँच हजार मिटरभन्दा माथिका हिमाली गन्तव्यको अध्ययन,संरक्षण र प्रवर्द्धनसम्बन्धी विषयसमेत समेटिएको छ ।

त्यस्तै,उद्घाटन कार्यक्रममा अध्यक्ष घर्तीले प्राकृतिक सौन्दर्य, हिमाल, जैविक विविधता र मौलिक संस्कृतिका कारण पुथा उत्तरगंगामा पर्यटन विकासको ठूलो सम्भावना रहेको बताए ।

यस्तै,पर्यटन क्षेत्रलाई गाउँपालिकाको आर्थिक विकासको प्रमुख आधारका रुपमा अघि बढाउने र स्थानीय युवालाई पर्यटन व्यवसायमा दक्ष बनाउने नीति रहेको उनको भनाइ थियो । आयोजकका अनुसार तालिममा सहभागीलाई सैद्धान्तिक र व्यावहारिक दुवै प्रकारका सीप प्रदान गरिनेछ ।