Pvg

Asm

Ssm

Rsb

Rgu

Wsp

nsb

Sbs

Bbu

Rgu

Vor

Rgs

Sls

Tsm

Ksm

Ggd

Gst

Bbbpu

Hal

sab

Pls

Jmb

Gsb

Rpp

Rmb

bbt

Mks

Abd

Jmb

Ptm

Syp

Bml

दाङ । केही महिनादेखि अस्तब्यस्त बनेको लमही नगरपालिकाको बिबाद साम्य भएको छ । बिवादका कारण सुचारु हुन नसकेको लमही नगरपालिकाले सेवा दिन थालेको छ ।

प्रमुख प्रशासकीय अधिकृतको विषयलाई लिएर आन्दोलन चर्किएको थियो । वडाध्यक्ष हरु र कर्मचारी हरुले प्रशासकिय अधिकृत गेहेन्द्र बहादुर डाँगीलाई स्विकार गर्न नसकिने भन्दै आन्दोलन गर्दै आएका थिए ।

प्रशासकीय अधिकृतमा डाँगी नै हुनेगरी सोमबार त्रिपक्षिय सम्झौता अनुसार वडाध्यक्ष र कर्मचारीहरुको आन्दोलन फिर्ता भएको छ । मन्त्रालयले तत्काललाई अर्को प्रशासकीय अधिकृत पठाउन नसकिने बताएपछी बहालमा रहेका डाँगीबाटै काम गराउन सहज वातावरण निर्माण गरिएको लमही नगरपालिकाका प्रबक्ता मोहन गिरीले बताए ।

उनले अधिकृत बेगर जनताका कामहरु रोकिएको र त्यसलाई निराकरण गर्न डाँगीलाई नै स्विकारीएको जनाए । ‘जनताका कामहरु रोकिए, धमाधम हुनुपर्ने योजनाका कामहरु सुचारु हुन सकेन प्रबक्ता गिरीले भने-नगरपालिका सहज तबरबाट चलाउन हाकिम त चाहियो नि ।’ कि मन्त्रालयको अनुसार अर्को हाकिम कुर्न सक्नुपर्यो त्यसो गर्दा नगरपालिका झन लथालिङ्ग हुनेभयो, बाध्यात्मक प्रस्थितीबाट पालिकालाई जोगाउन खोजिएको हो गिरीले भने ।

त्रिपक्षिय छलफल र सहमती भएपछी आफ्ना आन्दोलनहरु फिर्ता भएको लमही नगरका प्रशासनिक प्रमुख महेश थापा ठेडीले बताए । ‘हाकिम साबले आफुमा भएका ज्यादतीहरु अन्त्य गर्दै आत्मियताका साथ काम गर्ने र गराउने छु भनी सम्झौता गर्नुभयो प्रमुख थापाले भने-पालिकालाई समृद्ध बनाउन हाम्रोपनि भुमिका रहन्छ नि ।’

सहमती पश्चात् तत्काल बसेको कार्यपालिका बैठकले अधिकृत डाँगीलाई निरन्तरता दिन मन्त्रालयलाई अनुरोध गर्ने निर्णय गरेको छ ।साथै अबैधानिक भन्दै ५ वटा नियुक्तीलाई बदर समेत गरेको छ । बैठकले राजनिती सल्लाहकार, शैक्षिक सल्लाहकार, प्रेस सँयोजक, प्रेस सल्लाहकार र स्वकीय सचिब पदलाई बरखास्त गरेको वडा नम्बर १ का वडाध्यक्ष दामोदर पौडेलले जानकारी दिए ।