Sidha Patra बिहिबार, मंसिर १५, २०७९

दाङ । युथ्स अफ तुलसीपुरले आजदेखि लगाउने भनिएको महोत्सव हाललाई स्थगित भएको छ । तुलसीपुर उद्योग वाणिज्य संघ र चेम्बर अफ कमर्शले विरोध गरेपछि तत्काललाई महोत्सव नलाग्ने भएको हो । उद्योग वाणिज्य संघ र आयोजकबिच ४ बुंदे समहतिमा महोत्सव हाललाई स्थगित गरिएको हो ।

यदि आयोजकले पुनः मेला महोत्सव संचालन गर्न चाहेमा मेला महोत्सवमा राख्नुपर्ने व्यापारिक सरसामानहरुको लिस्ट उद्योग वाणिज्य संघ र चेम्बर अफ कमर्शले तोके बमोजिम हुने र उक्त लिस्टको विवरण ५ दिन भित्र तुलसीपुर उपमहानगरपालिकामा उद्योग वाणिज्य संघ र चेम्बर अफ कमर्शले पेश गर्नु पर्ने गरी उद्योग वाणिज्य संघ र मेला आयोजक बिच सहमति भएको छ ।

आउदाँ दिनहरुमा उद्योग वाणिज्य,व्यापार व्यवसायसंग सम्बन्धित मेला महोत्सवहरु संचालन गर्न तुलसीपुर उपमहानगरपालिकाबाट कार्यविधि बनाएर लागु गर्नु पर्ने र कार्यविधि स्वीकृत गरेर लागु नभएसम्म कुनै पनि व्यक्ति, संघ संस्था आदिबाट कुनै पनि किसिमका व्यापारिक मेला महोत्सवहरु संचालन गर्न नपाउने सहमति भएको छ ।

त्यस्तै कार्यविधि स्वीकृत नभएसम्म कुनै पनि किसिमका व्यापारिक मेला महोत्सव लगाउन आवश्यक देखिएमा तुलसीपुर उद्योग वाणिज्य संघ र चेम्बर अफ कमर्श तथा घरेलु तथा साना उद्योग महासंघ तुलसीपुरको सिफारिसमा तुलसीपुर उपमहानगरपालिकाले अनुमति दिनु पर्ने सहमति भएको छ । मेला लगाउन नदिनका लागि तुलसीपुरका व्यवसायीहरु बुधबारदेखि विरोध गर्दै आएका थिए । विरोध स्वरुप तुलसीपुर बजार नै बन्द गराएका थिए । बिहीबार तुलसीपुर उद्योग वाणिज्य संघ, चेम्बर अफ कमर्श, व्यापारी लगायतले तुलसीपुर उपमहानगरपालिकामा तालाबन्दी समेत गरेका थिए ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन                                                              प्रमुख व्यवस्थापक:इराधा झाक्री मगर
प्रमुख सम्बाददाताहरु: शिवराज पन्थी,सुशीला (ओली) गिरी,जयप्रकाश पौडेल,सम्बाददाताहरु: टोपेन्द्र खनाल,शिव बस्नेत     सल्लाहकारहरु:बिपुल पोख्रेल,उदय जि.एम
कानुनी सल्लाहकार:वरिष्ठ अधिवक्ता रेवतीरमण भट्टराई

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधा-पत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८०९५६३२३६
# इमेल :- [email protected]