दाङ। सहकारीका सदस्यहरुलाई लैङिक हिंसा सम्वन्धी सचेतना मुलक तालिम दिन सुरु गरिएको छ । घोराही उपमहानगरपालिका वडा नं १८ फुर्सेखालीमा रहेको एक्ता महिला विकास वहुउदेश्यीय संहकारी लिमिटेडले सहकारीका सदस्यहरुलाई तालिम दिन थालेको हो ।
आज आयाेजित उद्घाटन कार्यक्रममा बोल्ने बक्ताहरुले हिंसा न्युनिकरणका लागि आफैबाट सुरु गर्नुपर्ने बताउनुभयाे । उहाँहरुले सचेतना बढाउन सकेमा समाजमा हिंसा न्युनिकरण गर्न सकिनेमा जाेड दिनुभयो । कार्यक्रममा घोराही उपमहानगरपालिका महिला,वालवालिका तथा सामाजिक विकास शाखा प्रमुख मोतीकुमारी विश्वकर्मा,पत्रकार अमरराज आचार्य,संस्थाका निवर्तमान सचिव पार्वती अधिकारी लगाएतकाले भनाइ राख्नुभएकाे थियाे ।
कार्यक्रमको सहजिकरण संस्थाका सचिव निर्मला शर्मा पाण्डेले गर्नुभएकाे थियाे । २ दिन सम्म सञ्चालन हुने तालिमको प्रशिक्षकमा मोतीकुमारी विश्वकर्मा रहनुभएकाे छ ।