Jmbg

Spbk

Jmbp

Mdmb

Rgup

SDBS

Unku

Lnp-8

Lnp2

Ggp1

Ggp4

Lnp3

Lnp1

Ggp6

Ggp3

Lnp5

Lnp9

Rpdx1

Ggp2

Ggp5

दाङ । नेपाल सार्की समाज दाङले दुई महिने छाला जुत्ता उत्पादन तालिम सम्पन्न गरेको छ । गत चैत्र २८ गतेदेखी सुरु भएको दुई महिने तालिमको एक कार्यक्रम गरेर आज समापन गरिएको हो ।

समाजका अध्यक्ष देवकुमार नेपालीको अध्यक्षता तथा घोराही उपमहानगरपालिकाका उपप्रमुख हुमा डिसीको प्रमुख आतिथ्यता एवं घोराही १४ का वडा अध्यक्ष भानसिंह बुढाको विशिष्ठ आतिथ्यतामा प्रशिक्षार्थिहरुलाई प्रमाण पत्र वितरण गरेर कार्यक्रम गरिएको हो ।

कार्यक्रममा बोल्दै प्रमुख अतिथी डिसीले दलित समुदायको जुत्ता बनाउने पेशालाई आधुनिकता संग जोड्दै नयाँ पुस्ताको आक्रषण बढाउन आवश्यक रहेको बताउनु भयो ।

हिजो कामकै कारण विभेद सहनु परेको दलित समुदायले अव कामकै कारण सम्मान पाउने अवस्थाको श्रृजना गर्न सृजनात्मक तरिकाले काम गर्न आवश्यक रहेको बताउनु भयो ।

रोजगारीका लागि दैनिक रुपमा ठुलो जमात विदेशी भुमीमा पुगिरहेको अवस्थामा स्वदेशमै स्वरोजगार बन्न तालिममा सिकेको कुरालाई व्यवहारमा कार्यान्वयन गर्दै आर्थिक सम्बृद्धिको बाटोमा अघि बढ्न प्रशिक्षार्थिहरुलाई आग्रह गर्नुभयो ।

यस्तै कार्यक्रममा बोल्दै घोराही १४ का वडा अध्यक्ष बुढाले नागरिकलाई रोजगारसँग जोड्न यस्ता खालका तालिमले महत्वपुर्ण टेवा पुराउने बताउनुभयो । दलित समुदायको सिप संरक्षण र उनिहरुलाई स्वरोजगार बनाउन यस्ता तालिमले महत्वपुर्ण टेवा पुराउने बताउनुभयो ।

घोराही उपमहानगरपालिकाको १ लाख रुपैयाँको आर्थिक सहयोगमा सञ्चालन गरिएको तालिममा दलित समुदायका १५ जना युवाहरुको सहभागिता रहेको थियो । समाजका उपाध्यक्ष दुर्गा नेपालीको स्वागत मन्तब्यबाट सुरु भएको कार्यक्रमको सहजिकरण सचिव सन्तोष नेपालीले गर्नुभएको थियो ।